Shillong, Nailar 26: U Myntri Rangbah ka Jylla Conrad Kongkal Sangma ula ai ka jingkyrshan ia ka jingkyndang jongki bor Pulit bad bor District ka West Garo Hills pyrshah ia kito ki briew kiba donkti ha lyndet ka jingkiew dor ki marbam mardih bad kiwei kiwei ki mar hapoh k District.
U Myntri Rangbah ula pynmih ia ka kyrwoh ba ong ba ia kane la leh na ka bynta ka bha ka miat jong ki paidbah kiba la mad ia ka jingsohsah tang namar ka kam beain jong ki katto katne ki briew bad kynhun kiba phah pynkiew dor ia ki mar ki mata ban myntoi shimet.
U Myntri Rangbah u ong ba ka Sorkar Jylla kala shimkhia bha ia ka jingpynthikna ba ki paidbah kin ym kyrduh ia ki marbam mardih bad ba kin ym shah thok shah shukor.
Ka kynhun Meghalaya Chamber of Commerce bala thaw da y MDC ka BJP ba don ha along pulit Bernard N marak, ka dei kaba la lap da ka jingtohkit ki Pulit ba ka donkti ha lyndet kane ka jingkiew dor ki mar ki mata bad ba pynbor ia ki Nongkhaii ba kin pynkiew ia ka dor jong baroh ki mar naduh ki marbam, ki tiar tei jingtei bad kiwei kiwei. Kane ka kynhun kala lum da ka Commission na man kane ka jingpynkiew dor.
Kane ka kynhun kaba kynthup ia ki Business man bad dkhot ka BJP, kila leh donbor ia ki nongshongshnong ka Tura bad ka West Garo Hills lyngba kane ka kam bymman, kaba la sei madan da ki Pulit ka Tura.
Ki Kyrteng jong ki dkhot kiba pynbor, pynshlur bad kyrshan ia ka jingpynkiew dor ia ki mar ki mata kaba lam sha ka jingsohsat ia ki paidbah ka Tura, ki dei kine kiba la paw kyrteng ha ka thup ka Meghalaya Chamber of Commerce bala ioh kurup da ki Pulit ka Tura.
