Kyrshan pura ki samla pule ka Manipur ia ka thma pyrshah drok u CM

Date:

Share post:

Imphal, Naitung 11: Ki kynhun seng samla pule ka Manipur ki la ai ka jingkyrshan ka ba pura halor ka sienjam ba la shim da u Myntri Rangbah (CM) ka jylla ha ka jingiakhun ia ka thma pyrshah drok.

Kine ki seng samla pule ki ba kynthup ia ka Manipur University Tribal Students’ Union (MUTSU), Manipur University Students’ Union (MUSU) bad ka All College Tribal Students’ Union (ACTSU) ki la phah da ka shithi sha u CEM ka jylla u Biren Singh ha ka ba ki la pynpaw ia ka jingkyrshan ba pura ka jong ki ha kane ka thma pyrshah ia ka jingjyllei jong u drok.

“Dang shen ngi la sakhi ia ka jingjop ka ba khraw ha ka jingialap halor kane ka phang hapoh ka jingialam ka jong phi, bad ki sienjam ba la shim da ki tnat sorkar ruh ka dei ka ba hap ban aijingiaroh kumjuh.Ngi ai ka jingkyrshan ka ba pura ha kane ka jingialap bad ka jingiakhun ia ka thma pyrshah drok,” ong katei ka kynhun ki seng samla pule ka jylla.

Nalor kata kane ka kynhun ka la ong ruh, “Namar ka Manipur ka don marjan ki jaka ki ba pynmih beain ia ki opium, kata ka jaka ba la tip kum ka Golden Triangle (Myanmar, Laos), kumta ngi la ngat ha ka jingeh namar ka jingwan tuid laitluid jong ki jait drok bapher bapher sha ka jylla. Kumta ruh ngi sngew ba ka por ka la dei eh ba kum ki riew shemphang, ki lad pathai khubor bad ki samla pule kumjuh khamtam na ki university ba kin wan shakhmat bad ai ka jingkyrshan ka ba pura ia kane ka jingialap, ban iarap ia ka sorkar ba kan pynkhreh ia ki sienjam ban tehlakam ia ki nongkhaii drok bad kumjuh ia ki nong pyndonkam.

“Ka long ka jingshisha ba ki nongkhaii drok beain bad ki nong pyndonkam drok la slem bha ki la buh ka jingma ka ba khraw ia ka imlang ka sahlang, ia ka koit ka khiah jong ki paidbah (Kata ka ba ktah ruh ia ka bor pyrkhat pyrdain bad ia ka met ka phad) hapoh ka jylla jong ngi ha ka ba ym shym la don ki nongialam ki ba shlur ki ban mih shakhmat ban iakhun pyrshah ia kine ki jingsniew ki ba ktah mationg ia ka imlang ka sahlang shwa kane ka sienjam hapoh ka jingialam ba shlur bad ba iohi jngai jong phi. Phi la ioh ia ka jingiatreilang jong ki nongshong shnong ka jylla halor ha kane ka thma pyrshah ia ki nongkhaii drok beain bad ia ki nong pyndonkam ki ba la kyrni ha kine ki jait jingdih ba sniew,” ong shuh shuh ka kynhun ki samla pule ha ka shithi.

Share post:

spot_img

Popular

More like this
Related

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...

Tripura: Sngewkhia jur u CM ba kiew ka jingdih droks hapoh ka Jylla

Agartala, Rymphang 28: U Myntri Rangbah ka Tripura Manik...