spot_img

Dawa ki paid Assam ban pynioh ia ka jingbishar ba hok ia u Vineet Bagaria

Date:

Share post:

Guwahati, Naitung 11: Ki paidbah Assam kiIa pyn long ia ka jingiaid paidbah ha ryngkat ka jingthang mombati ha Dibrugarh ban dawa pynioh ia ka jingbishar ba hok na ka bynta u Vineet Bagaria hynnin ka sngi U Blei.

Da ki spah ngut ki paidbah ki la wan iashim bynta ha kane ka jingthang mombati bad iaid paidbah ban dawa pynioh ia ka jingbishar ba hok ia u Vineet Bagaria u ba dei u nongtrei u ba khmih na ka bynta ka bha ka miat jong ki ksew surok u ba la phasi noh ia lade ha kane ka sngi palei ba la lah hapoh ka iingsah jong u ha Shani Mandir road ha Dibrugarh.

Hashwa ka jingiap ka jong u, u Vineet u la rekod da lade ia ka video ha ka ba u la kynnoh ia u Baidullah Khan, u Sanjay Sharma bad u Nishant Sharma ki ba la thombor ia u bad ia ki ba haiing hasem jong u namar kawei ka iing ka ba ki la wai bad ka ba la ktah jur ruh ia ka pyrkhat pyrdain ka jong u.

Na ka liang ki bor pulit ka Dibrugarh ki la kem noh ia kitei ki laingut halor ka jingdonkti ha ka ba leh ia ki kam bymman ka ba pynshlur ia u Vineet Bagaria ba un pynkut noh ia la ka jong ka jingim.

Ia kine ki laingut ki briew la wanlam hakhmat ka kashari ha kane ka sngi Saitjain ba la lah. Ia kine ki laingut la tip kyrteng kum u Baidullah Khan, Nishant Sharma bad u Samsullah Khan. Sa arngut kiwei pat ki ba la shah kynnoh donkti ki kynthup ia u Sanjay Sarmabad u Izaz Khan ki ba dang don mynta hapdeng ka jingphet rieh. Halor kane ka jingjia la rejistar case hapoh ki kyndon no. 309/22 u/s 306 IPC ha ki bor pulit ka Dibrugarh.

Na ka liang u Myntri Rangbah (CM) ka jylla u Himanta Biswa Sarma ha kane ka sngi Saitjain ba la lah u la pynlong ka jingleit jurip sha ka iingsah jong u Vineet Bagaria bad pynpaw ruh ka jingsngewlem na ka bynta ki ba haiing hasem ki jong u.

U CM Sarma u la pan map ruh na ki ba haiing hasem jong u Bagaria ha ka ba iadei bad kane ka jingjia. “Ka dei ka jingpulom ka ba khraw ha ka liang ki bor district ka Dibrugarh. Ngan shim ia ki sienjam ba tyngeh pyrshah ia ki briew ki ba donkti,” ong u Sarma.

U Vineet u dei u ba ia don bynta lang ha ka ban seng ia ka kynhun ba la tip kum ka Animal Welfare People (AWP), ka kynhun ka ba khmih na ka bynta ka bha ka miat jong ki ksew surok.

Kane ka kynhun jong u ka la lah ban pyllait im ia shibun bah ki ksew ki ba la ngat ha ki jingjia aksiden bad shah thombor. Namar ka jingieit ka jong u ia ki mrad ka la pynshlur ia ki ba bun ki khynnah samla ba kin pyniasoh bad kane ka kynhun.

Share post:

spot_img
spot_img

Popular

More like this
Related

Dawa tohkit ka HYC ba thied ban supply ia ki tin sop iing ba tad dor

Shillong, Jylliew 21: Ka Hynniewtrep Youth Council (HYC) ha...

Gherao ki BSF ia ka Umkiang Police Patrolling Post ba shah kem ki shipai jrong kti ia ka Khynnah

Shillong, Jylliew 21 : Ka kynhun ki shipai Border...

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...
spot_img