spot_img

Kyrshan haduh 25 ngut ki MLA ka Liang Pyrshah ia ka Murmu ha Assam

Date:

Share post:

Guwahati, Naitung 22 : Haduh 25 ngut ki MLA liang pyrshah ka Assam ki la aijingkyrshan ia ka kyrtong ba la kyrshan da ka NDA, ka Droupadi Murmu ha kane ka ilekshon jied president ka ba dang shu dep shen, pynpaw ka result ba la pynbna hynnin ka sngi Palei.

Na ki 126 ngut ki MLA ka state assembly, 124 ngut ki la pyndep ia ka jingiathep vote katba arngut ki la jah rngai. Katba ka jingioh vote jong ka BJP bad ki kynhun synrop ka long 79, ka Droupadi Murmu ka la ioh haduh 104 vote na baroh ki MLA, kata ka ba paw shai ba 25 ngut ki dei ki MLA liang pyrshah.

Ki artylli ki party liang pyrshah ba kongsan ha Assam, ka Congress bad ka AIUDF ki ba ha ka snem ba la dep ki la thaw ia ka kynhun synrop ka ba heh ka ba la shah rem noh ha ka BJP bad ki kynhun synrop jong ka ha ka ilekshon assembly ka jylla ki la ia kynnoh kylliang halor kane ka jingai jingkyrshan ia ka kyrtong jong kiwei pat ki party.

“Nga ai ka jingkhublei ba kyrpang ia ki nongshong shnong ka Assam halor ka jingai jingshaniah ia ka kyrtong president ka NDA bad ban pyniasoh ha kane ka khyllipmat ka ban sah jingkynmaw,” pynpaw u Myntri Rangbah (CM) ka Assam u Himanta Biswa Sarma lyngba ka twitter.

Na ka liang ka Seng Congress ka la pdiang halor kane ka jingai jingkyrshan jong ki liang pyrshah ia ka kyrtong ka NDA. “Nga sngew bynniaw jur ba ngi don 26 ki vote hynrei ngi la la ai 20 vote na ka bynta u Yashwant Sinha, kane ka jingleh ka ba pyndem noh ia ki rukom pyrkhat kam ka la ktah jur ia ka jingsngew ka jong nga. Kane ka dei ka rukom pyrkhat sain hima ka ba hiar arsut,” ong u heh nongialam ka Congress ha Assam u Bhupen Borah lyngba ka twitter.

Share post:

spot_img
spot_img

Popular

More like this
Related

Bthah ka Sorkar ia ki skul ban register noh hapoh ka ain RTE ne shah khang khyrdep

Shillong Naitung 18: U Director ka School Education &...

Dang bishar ka Sorkar ban pynkhlain ia ka MRSSA ne wanrah da ka ain thymmai

Shillong, Naitung 18 : U Symbud Myntri Rangbah ka...

Rai ka Sorkar ban tynruh ia ka Assam ba kan pynphai noh ia ka Block-I bad II sha Meghalaya

Shillong, Naitung 18 : U Symbud Myntri Rangbah ba...

Dawa ki Longkmie Congress ia ka SMB ban kem noh ia ki ksew surok ba jur ka jingshah dait ki briew

Shillong, Naitung 18: Ka Meghalaya Pradesh Mahila Congress (MPMC)...