Pathsala, Naitung 22 : Uwei u rangbah 37 snem rta u la khlad noh hadien ba u la pyrshang ban nguid tylli ia u dohkha bsein (Eel) u ba dang im ha ka sor rit Pathsala ka Bajali district ka Assam.
Katkum ka khubor pulit la iathuh ba ia une u briew ba la khlad noh la tip kyrteng kum u Pankaj Roy u ba dei u nongshong shnong ka Joytinagar hapoh ka sor rit Pathsala. Katkum ka khubor la ong ba u Pankaj u la pyrshang ban nguid ia une u dohkha ba dang im hynnin ka sngi Palei shi bynta ban pyni ia ka jingshlur ka jong u.
Une u dohkha u la sahkut ha u ryndang jong u bad um shym la lah shuh ban ring mynsiem. Hadien kane na ka liang ki ba haiing hasem ki la pynkit noh ia u mardor shapoh Swahid Madan Rawta Sub Divisional Civil Hospital ha Pathsala.
Hadien na ka liang ki doktor ki la pynkynriah noh ia u sha Barpeta Medical College Hospital hadien ba ki doktor ki la pynbna ba u la dep khlad.
