Shillong, Jymmang 21 : U MLA ka BJP na South Shillong Bah Sanbor Shullai ula kyrpad ia ka Sorkar Jylla ba kan shna thymmai noh ia baroh ki surok PWD kiba don hapoh ka constituency jong u.
“Nga kyrpad rit ia phi ban sngewbha mynjur lem ia ka jingkyrpad ban shna thymmai noh ia baroh ki surok PWD hapoh ka 19th South Shillong constituency” ong u Bah Sanbor ha ka shithi bala phah sha u Symbud Myntri Rangbah ba khmih ia ka Tnad PWD (Roads) Bah Prestone Tynsong hynne ka sngi Ba-ar.
Ula ong ba baroh ki surok PWD barim kiba hap hapoh ka Municipal area ha ka constituency jong u, ki dei kiba la shu maramot beit na ka por sha ka por la bun snem. Kila don ka jingkiew ha ka jingdon ki Homestay jong ki nongshangkai pyrthei, ki lodge bad ki guest house hapoh ka constituency.
Nalor kane, da ka jingwan jong ki project kum ka Ropeway na Lum Shillong sha Madan Laban (Raid Laban) bad kiwei ki surok ba kongsan kiba iasoi kawei ia kawei pat hapoh ka South Shillong, ka constituency kan sa kyntiew bha iaka kam jngohkai bad kan sa iarap ruh ban wanrah ia ka jingkylluid ia ka Nongbah Shillong.
 Bah Prestone Tynsong hynne ka sngi Ba-ar.){kind=link}