Shillong, Iaiong 16: Ki bor district kynthup ki doctor bad ki nongtrei ka Tnat ka koit ka khiah, kila ialeh katba lah ban pynsngewthuh ia u Chairman ka Green Tech Foundation (GTF) u Bah H Bansiewdor Nonglang ban leit noh sha Hospital, daka ba kam ba ula tlot bor palat.
Hynrei naka liang u Bah Bansiewdor hapdeng ka jingthiah tlot bor, ula pynneh bad bthah ruh iaki nongialam ka GTF ban nym shah iaki Doctor ban kit ia u sha Hospital.
La ioh ba ki bor district kila pynieng daka Ambulance hajan ka Madan Malki ban pynkhreh ban kit noh ia u Bah Bansiewdor sha Hospital.
Na jingthiah u Chairman ka GTF ula ong ba um treh ban leit Hospital tad haduh baka Sorkar ka weng noh iaka project na dewlynnong Lumpongdeng.
Nalor kane u Chairman ula pynbna ruh ba u kloi ban leit sha hospital lada, ka Sorkar ka weng noh iaka ejahar bala ujor pyrshah ia 3 ngut ki nongialam ka GTF.
U Secretary general ka GTF u Bah Ritre Lyngdoh ula iathuh baka Sorkar kala ujor daka ejahar pyrshah ia 3 ngut ki nongialam haka por ba ki pynlong jingiakhih hakhmat khyrdop jong ka Main Secretariat.
U Bah Ritre ula iathuh ba iaki 3 ngut ki nongialam ka GTF la pynngat hapoh ki kyndon section 221, 222, 34 jong ka BNSS.
 u Bah H Bansiewdor Nonglang ban leit noh sha Hospital, daka ba kam ba ula tlot bor palat.){kind=link}