spot_img

Kyrmen Ka F.K.J.G.P. Rimuliang Circle ban iaid beit ka jingpynbeit pud ha Langpih Sector

Date:

Share post:

Nongstoin, Nailar 16 : Ka FKJGP-Rimuliang Circle kala pynpaw ia ka jingkyrmen skhem ba ka jingiakren pynbeit ia u pud u sam ka Langpih Sector hapdeng ka Meghalaya bad Assam, kan iaid beit iaid ryntih kumba angnud da ki paidbah ka thain.

“Ka FKJGP-Rimuliang ka ngeit skhem ba ka Regional Committee bala khlieh da u Myntri Bah Paul Lyngdoh kan nym iaid sha ka lynti kaba bakla ha kane ka wat jong ka jingiapynbeit pud. Ngi shaniah ba u Bah Paul un nym klet ban sngap bad burom ia ka mon u paidbah, ki khlieh nongsynshar shnong, nongsynshar hima bad ka District Council” ong ka kyrwoh n aka FKJGP.

Kane ka seng kala ong “Ngi sngewthuh ki don shibun ki sohkyrdot kiba jwat ban pynbeit hynrei ngi kyrmen ba da ka jing stad ki nongialam yn lah ban weng ia kine ki jingeh baroh”.

Haba pynkynmaw ba ka jingiapynbeit pud kam dei ban long kaba shu leh lyndet ia ki trai shnong, ki Khlieh Nongsynshar, ka FKJGP kala ong “Ka seng kala dep iohi ia ka jingiapynbeit ia ka Malang sector ha kaba don ki Shnong kiba ud ba iam hadien bala deppynbeit. Ngi ngeit ba kane ka kynti kan nym long kum kaba la dep”.

Ka FKJGP kala pynkynmaw ba ki jaka ha khappud ha lynter ka Langpih sector ki dei kiba hap hapoh ka jingkhmih jong ka Hima Nongmynsaw bad bun ki shnong ki shim sanad na u Syiem kaba pynshisha ba ki jaka puta bad u pud u sam ka dei ka nongkynti jong ka Hima Nongmynsaw ba da ki spah spah snem.

Haba pynshisha ba ka thain ka dang hap ha Meghalaya, ka FKJGP kala ong “Ngi iohi ha ka por elekshon ba ki nongialam ki leit khroh vote sha kitei ki jaka. Kine ki shnong ki ioh skhim ruh na ka C&RD Block ka Meghalaya kaba dei ka sakhi ia ka jing long trai”.

Pule lang ia kane: Sma iwtung hi hak ka Umsning By-pass ba wan bret pylleng pyut ka trok na Assam

Peit lang ia kane

Ka rynsan khubor digital ba pura ka Meghalaya da ka ktien Khasi.

Balei ban ap ia ka lashai, haba ki khubor ki mih mar syn jia!

Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...