Nongpoh, Nailar 16: Ka Seng RBYF Lum Umpih Unit, ha ka 15 tarik Nailar, kala ioh bat ia 2 ngut ki briew kiba bret khlem akor ia ki pylleng pyut ha ki bynta jong ka surok Umsning By-pass, kaba hap hapoh ka shnong Lum Umpih, Umsning.
Kine ki briew ki dei ki nongniah bad u nongbud jong kawei ka trok container ba don u nombor UP-21-CN-7756, kaba wan na Silchar.
Ia kine ki briew la ioh ban bat da ka seng RBYF hapoh ka jingialam u Balakmenlang Nongbri President ka Umsning Circle bad u Henry Marngar President ka Lum Umpih Unit, katba ki dang bret ia kine ki pylleng pyut bala boi ksain.
Kane ka jaka kala sma iwtung hak namar ka jingpyut jong ka pylleng. Ka seng RBYF kala hukum ia kine ki briew ba kin tam biang ia kine ki pylleng bad ba kin thep biang hapoh ka trok.
Halor kane ka jingjia, ka seng RBYF kala maham tyngeh ia ki nongleit nongwan na kane ka surok ba kim bit shuh ban bret jaboh ha ki bynta jong ka Umsning By-pass lem kumta kin ioh da ki jingpynsajia ba tyngeh.
Kaba la pynbitar eh ia ki dkhot ka RBYF, ka dei ba dang ha kine ki khyndiat sngi, la don ki riew khlemakor, kiba la bret masi iap ha katei hi kajuh ka jaka bad ha kaba kut, hap shim jingkitkhlieh ka seng ban tep ia ka masi iap.
Pule ruh: Assam : Kem ki Pulit ia u Heh BJP halor ka jingiap ka Nongialam ka BJP Kisan Morcha
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
