spot_img

Kyntu u Mukul ia ka Sorkar ban peitngor bha ba lah ban mih biang ki kynhun kaikhlaw ha Garo Hills

Date:

Share post:

Shillong, Nailur 03: U Nongialam ka Liang Pyrshah u Dr Mukul Sangma u la kyntu ia ka Sorkar Jylla ban long kaba husiar, kaba peitngor bad kaba shimkhia ia ki jingma kiba lah ban mih bad ban leh eiei halor ki daw kiba pynlong ia ki samla ban leit iasoh ne seng kynhun kaikhlaw.

Haba kren shaki lad pathai khubor u Dr Mukul u la buh jingkylli ruh halor ki jingjia ha kaba ïadei bad ka jingwan pyndem wait jong ka Drishti Rajkhowa, u nongïalam barim jong ka United Liberation Front of Asom (ULFA) ha South Garo Hills.

U Dr Mukul u la iathuh ba mynshwa u la kdew ia ka jingdon jong u Rajkhowa ha Garo Hills bad ïa kane la pynshisha hadien da ka jingwan pyndem wait noh jong u bad haduh mynta ki don katto katne ki jingkylli ki ba ka Sorkar kam pat lah jubab.

U la buh jingkylli ruh ia ka jingdon jong ki katto katne briew kiba ia synran lang ia u Rajkhowa ha ka por ba u wan pyndem wait bad ia ki bor synshar kiba u Rajkhowa u wan pyndem wait.

“Ngi donkam ban buh jingkylli ïa ka Sorkar…katno ngut ki samla ki don hangta, Hato la khmih lynti ba un don ha ka bynta kaba jngai tam jong ka ri ryngkat bad tang arngut ki nongbud bad haba u la pyndem wait, katno tylli bad kiei kita ki tiar ialeh ba ula aiti haka por pyndem wait” ula ong.

U Nongialam ka Liangpyrshah u la kynthoh ia ka Sorkar, khamtam ia u Myntri Rangbah ka jylla u Conrad K Sangma daka ba ong ba u kloit beit ban kyntait bad kyntait ruh ban shim ia ka jingkitkhlieh ban pynthikna ia ka jingsuk bad ban khanglad ia ka jingmih biang jong ki kam kaikhlaw ha ka Jylla.

Haba kyntu ïa ka Sorkar ban long kiba husiar bad ban shimkhia, u Myntri Rangbah barim ula ong “Haba ngi ïakren shaphang ki jingioh jingtip, hato kane ka jingioh jingtip kadei tang ha ri lum Khasi Jaiñtia? Hato ym ioh jingtip na Garo Hills, ka dei kam kamram jong ka Sorkar ban bishar bniah iaki jingtip ba ioh lum. Ka lah ban ban long ba u Myntri Rangbah um iahap ban ïakren ïa kane ka mat hakhmat ki lad pathai khubor hynrei kadei pat ka kamram jong ka Sorkar ban long kaba husiar bad kaba shimkhia”.

“Ka Sorkar ka dei ban tip kiei ki daw kiba pynlong ïa ki samla ban leit iasoh ne thaw kynhun kaikhaw.. ngi donkam ban pynthikna ba ngim dei ban ailad ïa kine kiei kiei ban roi bad ka dei ka Sorkar ban shimkhia halor kane daka jingkitklieh, da ka jingsngewkhia, da kaba hok, da kaba janai bad kaba shisha na ka bynta ka jingbha jong ki paidbah bad ka Jylla” ula bynrap.

Share post:

spot_img
spot_img

Popular

More like this
Related

Buh dak jingkylli u Dr Mukul halor ka rai ka Sorkar ban siew tulop ia ki Nongtrei District Council

Shillong, Nailur 03: U Nongialam ka Liang Pyrshah Dr...

SPL | Khyrwit u Alem Khongwir da ka hat-trict ban pynjop ia ka Mylliem pyrshah ia ka Malki

Shillong, Nailur 03: U Nongialehkai ka Mylliem Alem Khongwir...

Mih ka kynhun na Jylla sha WB ban iashimbynta ha ka Senior Women National Football Championship

Shillong, Nailur 03: Ka kynhun ialehkai football ki kynthei...

Mynta u Nailur yn sdang shim klas ha Shillong Medical College | Tang T.30,000 yn shim bai klas ia ki samla na Jylla

Shillong, Nailur 03: Ka Shillong Medical College (SMC) kala...