Nongstoiñ, Risaw 3: Sa shisien pat ka Sur jong ki Nongwest ka khot ka wer sha ki paidbah jong ka dong ka thaiñ West Khasi Hills, ban ïa ka jingkyrshan synei lem na ka bynta u samla Hubert Paliar, u samla u ban sa mih noh shen na ka Jylla sha ka jingleit ïakhun Arm Wrestling jong u da kaba mihkhmat ïa ka India sha Turkey.
Ki nongïalam ka sur ki nongwest haba kren sha ki lad pathai khubor ha ka janmiet sngi nyngkong, ki la pynpaw ba ka jingpyrshang jong ki nongïalam ban ïalap bad ïa wer bad pan jingkyrshan pisa ka la seisoh, tangba haduh mynta ka jingmih ka dang khyndiat palat.
“Kumta, ngi sngew dei ban wer bad pyntip biang sha ki paidbah, ba kin kyrshan na ka bynta une u samla jong ka dong ka thaiñ, da kaba ki lah ban pynthep ruh lyngba ka google account ba la ai kyrteng Hubert Paliar lyngba u number phone 9612949452, lane ki lah ban leit ïakynduh hi ïa utei u samla da kaba phone ha utei u number” ong ka sur ki Nong west.
Kine ki Nongialam ki pyntip ba ka synjuk kan sa buh ruh ka synduk donation box ha dukan jong I kong A.K Kharsyntiew ha khmat iew Nongstoiñ, khnang ba ki paidbah kin noh jingiarap.
U samla D.Sun Chairman bad W.Lyngdoh Secretary ka sur ki nongwest, ki la ong ruh ba u samla Hubert Paliar u dei na ka ïing ba duna ka ïoh ka kot, kumta ka jingïarap sbun da ki paidbah ka long kaba donkam. Ki la kyntu khamtam sha kito kiba don ba em ba ki dei ban sngewkhia, khnang ba kan long ka jingmyntoi ïa une u samla u ba donkam ïa ki jingïarap lem.
