Shillong, Naitung 18 : Ka Myntri bad Nongaiktien ka Sorkar Jylla Kong Ampareen Lyngdoh ha ka sngi Ba-ar, kala ong ba ki Sengbhalang kiba pyrshah ia ka jingpyniasoh lynti rel ha Ri-lum Khasi bad Jaintia, ki dei ban leit sha Mendipathar Railway Station bad ban pynlong ia ka jingwadbniah la ka lynti rel kala wanrah ia ka jingrung kyrthep ki bar jylla, ka don ne em ka jingduhnong ne iohnong.
Kat kum ka jingong jong ka Myntri, ka lynti rel kala wanrah ia shibun ki jingmyntoi ia ki paidbah ka Ri-lum Garo bad ma ka hi, kam pat ju iohsngew ia kano kano ka jingrung kyrthep ki mynder. Kala bynrap ba kino kino ki kam ba ka Sorkar ka shim rai, kim dei satia kiban long pyrshah ia u paidbah.
Hynrei, ka Kong Ampareen kala ban jur halor ka jingeh ban pyniasoh lynti rel namar ka jingduna ki jaka madan bad ba bun ki dei ki jaka lum.
“Ngi don ia ki jaka kiba long ranab lum. La kan log kaba seisoh ne em kan dei kaei kaei kaba ngin hap ban iohi. Ka mat hangne ka long ba baroh ki kam ki don ia ki minus bad ba long pyrshah beit (negative). Ha man ka por ba ka Sorkar ka pyrkhat ia kaei kaba bha, mih ki jingpyrshah na ki paidbah” kala ong.
“Hooid, yn ym don ki Sorkar ki ban jam shakhmat bad leh ia kiei kiba pyrshah da u paidbah namar ngi don hangne ban synshar na ka bynta ka jingmyntoi u paidbah. Balei ba ngin iaid pyrshah ia ka mon u paidbah” kala bynrap.
Pule ruh:Â Pynpaw ka Myntri ba ym sngew iahap ia ka jingdawa Winter Capital ka ACHIK
