Shillong, Naitung 18: Ka Myntri bad Nongaiktien ka Sorkar Jylla kong Ampareen Lyngdoh ha ka sngi Ba-ar, kala pynpaw ba ka jingdawa Winter Capital jong ka A’chik Conscious Holistically Integrated Krima (ACHIK) kaba dang iashah jingit mynta ha Tura, ka dei ka bym iahap satia ban mynjur namar ka Nongbah hi ka dei ka Shillong.
“Ha nga shimet nga sngew ba ym dei ban sngap ia kum kine ki jingdawa. Lada mih ki jingdawa wanrah ia ka Winter Capital shatei, wanrah ia ka Spring Capital hangne, wanrah ia ka Summer Capital sha kiwei ki jaka, baroh kiei kiei kin sa iaid bakla lut”
Ka ong ba ka Meghalaya ka dei ka Jylla kaba don ia ki District bapher bapher, bad lada man ki District ki dawa ban ai ia ngi kata, ai ia ngi kata, kan long kaba eh ia ka Sorkar ban pyniaid ia ki kam ki jam.
Ka Kong Ampareen kala kdew ba ka jingpynkha jong ka Sorkar ia ki C&RD Block ha kylleng ki jaka ka dei kawei na ki sienjam ban rah shajan ia ka jingshakri ka Sorkar sha u paidbah.
Kala pyntip ba u Myntri Rangbah un sa iakynduh ia ka ACHIK ha ka 24 tarik Naitung ha ka jingleit jong u sha Ri-lum Garo.
Pule ruh: Thaw ki Seng Sain Pyrthei da ka INDIA ban iakhun ia ka BJP ha ka Elekshon Lok Sabha
 kaba dang iashah jingit mynta ha Tura, ka dei ka bym iahap satia ban mynjur namar ka Nongbah hi ka dei ka Shillong.){kind=link}