Shillong, Naitung 18 : Ki Seng Sain Pyrthei bapher bapher ka Ri kiba don ha ka Liang Pyrshah, kila thaw mynta da ka kynhun synrop INDIA ban mih iakhun pyrshah ia ka Bharatiya Janata Party (BJP) bad ia ki paralok kiba don ha ka National Democratic Alliance (NDA), ha ka elekshon MP-Lok Sabha 2024.
Ki Seng Sain Pyrthei bapher bapher ka Ri kila jer kyrteng ia kane ka kynhun Synrop da ka Indian National Democratic Inclusive Alliance (INDIA) bad ia kane la pynthikna ha ka sngi Ba-ar da ka RJD bad ka Shiv Sena.
Haba sam ia ka jingtip hapoh ka Twitter jong ka JDU, la iathuh b aka kyrteng ba thymmai jong ka kynhun Liang Pyrshah la jer kyrteng kum ka “INDIA”.
विपक्षी एकता का नया नाम "INDIA"
I – Indian
N – National
D – Democratic
I – Inclusive
A – Alliance#JDU #NitishKumar#MahaGathbandhan#UnitedWeStand#oppositionmeeting #bengaluru pic.twitter.com/iQU3urraJR— Janata Dal (United) (@Jduonline) July 18, 2023
Haba pynthikna ia kane ka kyrteng, ka Priyanka Chaturvedi jong ka Shiv Sena kala ong “Ka jingiakhun ha u 2024 kan long hapdeng ka kynhun INDIA pyrshah ia ka Kynhun ka NDA..Chak De, INDIA”.
So 2024 will be
Team INDIA
Vs
Team NDAChak De, INDIA!
— Priyanka Chaturvedi🇮🇳 (@priyankac19) July 18, 2023
Shuwa kane, u MP ka TMC Derek O’Brien ruh ula thoh “Chak De! INDIA” hapdeng ka khubor ba ka Liang Pyrshah kala jer ia kane ka kynhun Synrop “INDIA” ha ka jingialang ba long ha Bangaluru.
Ha kane ka jingialang ba arsngi, ki khlieh Nongialam jong kumba 26 tylli ki Seng Sain Pyrthei kila iashimbynta ban pynskhem ia kane ka kynhun synrop ba thymmai, ka ban iakhun pyrshah ia ka BJP bala ialam da u Myntri Rangbah Duh Narendra Modi, ha ka elekshon Lok Sabha, 2024.
Pule ruh: Ujor ejahar u MP pyrshah ia u CM ka Assam ba kynthoh ipoh ia ki paid Muslim
 bad ia ki paralok kiba don ha ka National Democratic Alliance (NDA), ha ka elekshon MP-Lok Sabha 2024.){kind=link}