Shillong, Risaw 21: U Myntri ka Sorkar Jylla u Timothy D Shira hynne ka sngi Baar ula kynnoh ba u MP ka Congress na Tura Saleng A Sangma u dei u bym don ia ka buit nalade bad dawa ia kaei kaba la dawa da kiwei pat ki MLA ban pyniar ia ka lynti rel ha kiwei pat ki bynta jong ka Garo Hills.
U Shira ula ong, ba ha ka por ba ula long u MLA u Saleng Sangma ula shu sngap jar ha kaba iadei bad ka mat ban dawa pyniar ia ka lynti rel.
“Katei ka jingdawa (Saleng Sangma) kadei ka bym long tynrai (Duplicate). Kial don kiwei kiwei ki MLA kiba la dep ban dawa ban pyniar ia ka lynti rel, kane kadei tang ka jingpynbud ia ka jingdawa, u um don ia kano kano ka jingmut kaban mih hi nalade. Haba ula long u MLA, u lah dei ban dawa ban pyniar ia ka rel. Lada u kwah ban leh ia ka kam kaba bha na ka bynta ki paidbah hynrei lah slem ula long u MLA ula shu sngap jar” la ong u Myntri Sorkar haba iakren bad ki nongthoh khubor.
Katkum ka jingong ka jongu, ki MLA khamtam eh na ka seng NPP kila dawa ban pyniar ia ka lynti rel shaduh Baghmara kaba don ha South Garo Hills district.
Halor ka jingkylli, u Shira ula pynpaw ia ka jingpyrshang jong ki paidbah ha ka constituency ban iada iala ka jaka ka puta bad ban tehlakam ia ka jingwan rung kyrthep ki briew kiba nabar.
Ula banjur ba ki paidbah ha ka thain ka jongu kidei kiba phikir bad kiba peitngor bha ban pynthikna ba ki bym dei ki riewlum kin ym ioh ban shong ne ban thied ia ka jaka khlem kano kano ka jingbit. Hynrei ula kubur pat ba kila don ki bym dei ki riewlum kiba la donbynta ha ki kam khaii pateng ha katei ka thain.
