Shillong, Lber 25: Ka Students Organization ka Akhil Bharatiya Vidyarthi Parishad (AVBP) hynne ka sngi kala kyntait halor ka jingshah kynnoh ba ki dkhot ki donkit ban pynkulmar ia ka jinglehkmen Holi hapoh ka skulbah North Eastern Hills University (NEHU).
Lah ban kdew ba hynne ka step, kala mih ka huri hura haka por lehkmen Holi ha NEHU ha kaba u Vice President ka NEHUSU u Samla Easterson Sohtun ula mynsaw malu mala.
Haba kren sha ki lad pathai khubor, u State Secretary ka AVBP, u Tengku M Marak ula ong ba kane ka jingkynnoh jong u Vice President ka NEHUSU ka long kaba bakla bad ka bym ia hap satia.
U Tengku M Marak ula kynnoh ba ki don kumba 4 ngut kiba sdang ban rah kti ia uwei u samla pule da ki tiar pynmynsaw katba ki dang ialehkmen bad kynnoh ruh ba ki la don jingthmu lypa naduh nyngkong ban pynmih huri hura haka por lehkmen Holi.
U la ong ruh ba uwei u samla ba kyrteng u Kamlesh, u khlem rah kti satia iano iano ruh hynrei u la leit ban pyn jai jai ha katei ka jingjia kaba la mih haka por lehkmen Holi.
“Kane ka jingkynnoh jong u Vice President ka NEHUSU ka long kaba bakla hynrei haka jingshisha, kadei ka kynhun jong u Vice President ka NEHUSU kaba don lypa ka jingthmu ban pynmih ia ka huri hura” la kynnoh u Samla Tengku.
U Samla Tengku ula dawa na u Vice President ka NEHUSU ban pynshisha mano, kita ki dkhot ka ABVP kiba pynkulmar bad kiba thmu shoh iaki samla pule NEHU bad lada um lah ban pynshisha ka ABVP kan ujor daka mukotduma pyn mynrain khmat (defamation case).
 hynne ka sngi kala kyntait halor ka jingshah kynnoh ba ki dkhot ki donkit ban pynkulmar ia ka jinglehkmen Holi hapoh ka skulbah North Eastern Hills University (NEHU).){kind=link}