Nongpoh, Nailur 18 : Ka Hill Farmers Union-Sengkmie bad Ri-Bhoi Unit, kala kynnoh ba ka Sorkar kala buhrieh ia ka jing don jong ka Animal Shelter ha 22 Mer, Nar-ang, Ri-Bhoi District.
Ka HFU kala kynnoh ia kane da ka jinglap ia ki jingtei jong ka Animal Shelter ka Tnad Husbandry & Veterinary ha ka jing hiar jurip hynne ka sngi Thohdieng.
Ka HFU hapoh ka jingialam u General Secretary Bah Alfonbirth Kharsyntiew, kala hiar jurip ia kane ka Animal Shelter bad pynpaw ia ka jinglynngoh ba ka Sorkar la kynnoh ba kala buhrieh ia ka jingdon jong kane ka jingtei wat hapoh ka Iingdorbar Thaw Ain ka Jylla.
“Ngi lyngngoh ban iohi ia ka jingtei ka Animal Shelter ha Nar-ang, Ri-Bhoi hynrei ka Sorkar kala buhrieh ia katei ka jingtei ha Iingdorbar Thaw Ain hadien ka jingwanrah ki MLA ia katei ka mat” kynnoh u Bah Alfonbirth.
U iathuh ba ka HFU ka tip shai ia ka jingdon kane ka Animal Shelter bala la pyntrei da ka Sorkar hadien ka jingkhot Expression of Interest (EoI) bala pynmih da u Chief Executive Officer ka State Implementing Agency ka Tnad Animal Husbandry & Veterinary.
Ka HFU kala ther tyngeh ia ka Sorkar halor ka jingbym shimkhia ban buh ia ka khyrdop ban khmih bniah ia ki mrad ba wanrah na shabar ka Jylla khamtam ki sniang kiba shah ktah bha ha ka khlamm African Swine Flu (ASF).
“Lada ia ka Animal Shelter lah dep ban tei, kan eh aiu ia ka Sorkar ba kan buh sa ia ka khyrdop ban khmih bniah ia ka koit ka khiah ki mrad ba wanrah na shabar ka Jylla” ula ong.
Ka HFU kala dawa ia ka Sorkar ba kan shimkhia bad leh eiei noh halor ka jingeh jong ki nongri sniang haba byrngem ba lada ka dang leh mynthi, ka seng kan lum lut ia baroh ki nongrep bad nongri sniang bad sa shim ia ka rai kaba donkam.
“Lada shuwa ban “bam ja bam doh” phi kynmaw ban duwai ia u “Blei”, teng teng kynmaw lang ia ki nongrep namar khlem ma ki, naei phin ioh bam ioh doh” ong ka HFU.
