Nongstoiñ, Nailar 4: Kawei ka trok kit dieng kaba don ïa u number ML 06 3286, ka la noh hynnin ka miet shapoh ka rïat kaba don ha ka shnong Umlieh harud ka surok bah Nongstoiñ-Shillong bad ha kane ka jingjia, uwei u briew ula iap bad arngut kila mynsaw jur.
Kat kum ka jingiathuh ki Pulit ka Eastern West Khasi Hills, kane ka jingjia kala jia ha ka por 10 baje ei ei mynmiet bad kine ki lai ngut ki briew ba iadon ha ka trok kila mynsaw jur.
Kine ki lai ngut ki kyrteng u Phasding Hujon 38 snem ka rta u ba dei u nongñiah ïa ka kali na Mawsiehum, u Bleding Hujon 40 snem na Mawsiehum bad u Tesding Rynthathiang 38 snem na Mawblei..
Hynrei, ki heh pulit ki ïathuh ba u nongñiah jong katei ka trok uba la shitom jur eh na baroh, u la khlad noh ha ka por 2 baje ei ei mynstep ha Civil Hospital Mairang.
Ki Pulit kila register case halor kane ka jingjia bad ka jingtohkit mynta kala iaid shakhmat.
