Shillong, Iaiong 07: U samla pule u Sharat Chettri jong ka Gorkha Pathshala Higher Secondary School, Shillong uba la ioh ia ka kyrdan kaba 8 ha ka eksamin Secondary School Leaving Certificate (SSLC) u la ai burom ia ka jingjop jong u sha ki kmie ki kpa, ki nonghikai, bad ia ka jingtrei shitom jong u hi shimet.
Haba kren sha ki lad pathai khubor, u Sharat u la ong “Kadei ka jingïatylli jong ki kmie ki kpa jong nga, ki nonghikai kiba tbit bha bad ka jingtreishitom jong nga. Ka jingjop kadei lyngba ka jing trei shitom bad ban pynleit jingmut bha ha ka jingpule. Kumba la ong u Krishna, leh ïa ka kam khlem da khmih lynti kaei ka ban mih.”
U Sharat ula ai jingai jingmut ia ki khynnah pule kiba khlem poi shaka thong ba kim dei ban ailad baka Resol kan bishar iaka jingim jong ki.
“Ka Resol kam dei ban bishar ia phi, namar haba kut, phi shimet ban bishar bad batai iala ka lawei. Ka jingim jong phi ka dei ka jong phi ym dei ban aiti lut ia ka jingim jong phi ban pynurlong ia ka jingkhmih lynti jong kiwei,” u la ong.
Haba kylli, kaei ka jingthmu kaba shakhmat u don, u Sharat ula ong ba u sngewtynnad eh ban shet jingshet.
“Nga sngewtynnad ban shet jingshet bad nga lah ban long Chef ha kawei ka sngi” u la ong da kaba phuh samrkhie.
 u la ai burom ia ka jingjop jong u sha ki kmie ki kpa, ki nonghikai, bad ia ka jingtrei shitom jong u hi shimet.){kind=link}