Shillong, Iaiong 07 : U Executive Member (EM) ka KHADC bad MDC ka Mawthadraishan Bah Powell Sohkhlet ula pynpaw ia ka jingsngewkhia halor ka jingai song pisa ban shna pynbha ia ki 180 tylli ki iingskul Lower Primary ka Sorkar ha Jylla, haba kynnoh ba ka don ka jingleh shiliang khmat ha ka jingsam ia ka pisa.
“Ka Sorkar kala mang ia ka song pisa ban shna pynbha ia tang 8 tylli ki skul ha Eastern West Khasi Hills District napdeng ki 180 tylli ki skul, katba ka West Garo Hills District ka ioh haduh 38 tylli ki skul, West Jaintia Hills-29, East Khasi Hills-19, East Jaintia Hills-9 bad West Khasi Hills-8” ong u Bah Powell haba buh jingkylli ia ka jingleh shiliang khmat.
Ula ban jur “Nga iaroh ia ka sienjam ka Sorkar Jylla ban shna pynbha bad maramot ia ki skul Lower Primary, hynrei ka rukom sam ia ka bhah pisa ka I kumba leh shiliang. Ka Eastern West Khasi Hills ka don palat 80 tylli ki skul Lower Primary ka Sorkar, ia kaba bun ki don hapdeng ka jinglong kaba la jot, hynrei watla katta tang 8 tylli kila ioh ia ka song pisa”.
U Bah Powell ula ai jingmut ban pyndonkam ia shibynta jong ka song T.125 klur na ka bynta ki skul deficit bad adhoc bad ong “Ki nonghikai ha kine ki skul ki ioh ia ka tulop Sorkar, hynrei ia ka jingmaramot ia ki iingskul la ieh ha ki Managing Committee ki skul. Balei bym ai song pisa ia kane ka kam ruh na ka bynta kine ki skul?”.
Ula kyntu ban peitngor, “Nga khot ia ki Dorbar Shnong bad ki Management Committee ki skul ban pynthikna ba ki contractor ki pyntreikam haba shai ia ka song pisa, ka ban ai jingmyntoi ia ki khynnah skul”.
 ka KHADC bad MDC ka Mawthadraishan Bah Powell Sohkhlet ula pynpaw ia ka jingsngewkhia halor ka jingai song pisa ban shna pynbha ia ki 180 tylli ki iingskul Lower Primary ka Sorkar ha Jylla, haba kynnoh ba ka don ka jingleh shiliang khmat ha ka jingsam ia ka pisa.){kind=link}