Shillong, Iaiong 07 : U samla Nathaneal Mantre Laloo, uba ioh ia ka kyrdan 4th position ha ka eksam Secondary School Leaving Certificate (SSLC), ula ban jur ia ka jingkongsan ban pyndonkam da ka jingkitkhlieh ia ka kor Internet.
“Ka pyrthei internet ka dei ka jaka kaba don jingma ia ki samla…ka shong eh ha kano ka rukom phi pyndonkam ia ka” ong u samla Nathaniel uba dei u khynnah skulk a Sevenset Higher Secondary School, Shillong.
Ula iathuh ba kumno u pyndonkam ia ka Internet bad ong “Nga pyndonkam tang na ka bynta ki jingpule, buddien ia ki news bad peit ia ki channel ba kren halor ka science. Nga buddien ia ki news channel, scientific channel bad dei lyngba kane ba nga ioh ia ka jingshemphang bad pynkhreh ialade na ka bynta ki jingialeh ba hadien”.
Ka jingkyntu u samla Nathaniel iala ki paralok ka long ba kin pyrkhat bha ia ki jingpyndonkam ia ka internet. “Phim lah ban pyndonkam Instagram ha kane ka rta, hynrei baroh ka shong eh ba ha kano ka rukom phi pyndonkam…pynlong ia ka kum ka atiar na ka bynta ki jingpule, ym ki jingpynwit”.
Haba pynpaw ia ki jingkmen, ula ong “Ha kane ka khyllipmat, ka jingkmen kala long palat…..nga hap ban ai ka burom sha u Blei, ki Kmie Kpa, ki Nonghikai bad ka skul namar ka jingkyrshan jong ki”.
Halor ka jingpynkhreh ia ka eksam SSLC, u Nathaniel ula ai jingmut “ Wat pynkut ialade ha ki kynta, pule haba phi sngew kwah pule…shimkhia ia ka. Lehkmen ia ka jingim ha skul, leh ia kaei kaba phi ieid, hynrei pynbeit ryntih ialade khamtam ha ki khyndiat bnai ba jan kut”.
U samla Nathaniel ula iathuh ba u don jingthmu ban leit pule ha ka lain commerce bad ban long u Chartered Accountant, da ka jingthmu ban iarap ia ki riewlum trai muluk.
“Nga tip ba ka lah ban pynkyndit, hynrei nga kwah eh ban trei ia ka kam kum u Chatered Accountant bad iarap ia ki riewlum trai muluk” ula ong.
Haba kylli ia ka jingkhmih lynti, u Nathaniel ula ong “Ki nonghikai bad ki Kmie Kpa jong ngi kila khmih lynti, hynrei nga kwah ban ai ka jingkyrmen kaba palat ia ki..Nga la aiti lut bad nga kmen bad kane ka result”.
, ula ban jur ia ka jingkongsan ban pyndonkam da ka jingkitkhlieh ia ka kor Internet.){kind=link}