Kohima, Iaiong 7: Ka jingkulmar ka la nang jur ha ka Mokokchung District jong ka Nagaland ha shwa ka elekshon shiteng samoi hadien ba ka jingïakynad hapdeng ki nongkyrshan saiñ pyrthei, kaba la pynlong ïa uwei u briew ban ïap bad katto katne ngut kiwei pat ki la mynsaw, ong ki pulit ha ka sngi Nyngkong.
Ka jingklumar ka la mih na ka shnong Longkhum bad Mangmetong, ha kaba la kynnoh ba ki nongkyrshan jong u kyrtong ka BJP u Daochier I. Imchen bad u kyrtong shimet u Major Toshikaba (Retd) ki la ia kynad.
Ha Longkhum, ka jingkawang maw hapdeng kine ki ar kynhun ka la pynmynsaw ym duna ia ka lai ngut ki briew.Na ka liang jong ki pulit kila iathuh ba ki don 16 ngut ki riew shimet kiba la shah kem ha kaba ia dei bad kane ka jingjia.Uwei na kiba mynsaw uba la tip kyrteng kum u Imrongsungba Imchen bad kham hadien u la khlad noh na ka jingmynsaw katba dang phah ia u sha Dimapur ban ioh ia ka jingsumar.
Ki bor pyniaid ki la iathuh ba ka jinglong jingman ka don hapoh ka jingkhmih bniah mynta, watla ka jingeh ka dang iai bteng ha katei ka thain.
Ha kawei pat ka jingjia ha ka shnong Mangmetong, kumba 12 tylli ki kali ki la shah pynjulor ha ka step jong ka sngi Nyngkong.Ha ka jingtalasi kaba hadien, ki pulit ki la ioh kurup ia ki tiar ialeh bad ki la kem ia uwei u briew uba la shah kynnoh.
KI bor ba dei peit kila nang pynkhlain shuh shuh ia ka jingpahara ha kylleng ka distrik namar ki heh sorkar ki dang ialeh ban khanglad ia ka jingjur shuh shuh shwa ka sngi thep vote.
