Shillong, Lber 20: U Myntri Sorkar Bah Paul Lyngdoh ula ong, kan long kaba sngewtynnad ba lada ka sorkar pdeng kan thung ia ki Lat ka jylla kiba lah ban kren iaka ktien kaba lah ban ia sngewthuh lang da baroh.
“Ngi dei ban pynshlur ia ka ktien kaba ngi sngewthuh lang, hynrei ha kane ka bynta, ka jingpynpaw na ka liang ka jong ki (VPP) ka long ba une u Lat ym lait ban kren da ka English, hynrei ka Rule 28 jong ka Conduct of Business jong ka Assembly, ka ong ba uno uno u dkhot u lah ban kren da kano kano ka ktien lajong da kaba pyntip shwa ia u Lamphang jong ka ïing. Ha ka jingshisha ngin jin da la sngewtynnad ban iohsngew ha ka ktien kaba ngi sngewthuh paidbah” ong u Bah Paul Lyngdoh.
Haba kylli la u sngewdei ba ka sorkar pdeng haba ka thung ia ki Lat ha ka thaiñ shatei lam mihngi kadei ban thung da kiba nang ban kren iaka ktien phareng, u Bah Paul ula ong, “Kane kam dei ka sien kaba nyngkong ba u Lat un kren da ka ktien Hindi ha Iingdorbar hynrei kadei ka sien ka baar kaba jia hynne ka sngi, hynrei kan long kaba sngewtynad ban don da ki Lat kiba lah ban kren ia ka ktien kaba ngi ngin ia lah ban sngewthuh lang lait nangta ngan ong shuh kumno pat”.
Pule lang ia kane: Namar ba kren Hindi u Lat : Kwah I Kong Ampareen ban ioh Lat ba nang kren Phareng ha Jylla
