Shillong, Nailar 13 : Ka Sorkar Meghalaya kala iakren bad ka Ministry of Home Affairs (MHA) ba kan iakren lem bad ka Sorkar Bangladesh da ka jingkyrpad ba kan shah ha ka ban pynieng ia ka jingjer sainar najan khappud.
Kane kan ai jingiada ia ki shnong kiba don hapoh ka 40 Km na ki jaka bym pat ker sainar khlem da iehnoh ia ki shabar jong ka jingker sainar.
Ka kyndon bala buh da ki ri ka pyrthei ban ker sainar ha khappud ka dei ban long 150 yard shapoh ka Ri. Hynrei haba phai sha Meghalaya, kane kan buh ia kiba bun ki shnong hapoh ka jaka ba ju khot kum ka “no man’s land’ lane shabar jong ka jingker, kaba buh ha ka jingma ia ka jingshngain bad jingiada.
“Ngi la iakren bad ka MHA ba kan pynkohnguh ia ka Sorkar Bangladesh-namar kaei kaba jia hangne-ai ba ngin ker najan u mawpud khnang ban gin kiar ia ka jingker sainar shabar jong ki shnong” ong u Symbud Myntri Rangbah ba khmih ia ki kam Pohiing (Police) Bah Prestone Tynsong haba iakren bad ki nongthoh khubor haka sngi Balang.
Kat kum ka jingong jong u, kane kan pynlah ha kaban ai jingiada ia ki shnong khlem da buh ia ki ha ki jingma kiba bun.
U pyntip ba ki don shibun tylli ki shnong ka Jylla kiba don hapoh ka 40 km ka jaka bym pat ker sainar, ki ban sa hap shabar jong ka jingker lad aka jingker ka iaid kat kum ki kyndon bala buh da ki ri ka pyrthei.
 ba kan iakren lem bad ka Sorkar Bangladesh da ka jingkyrpad ba kan shah ha ka ban pynieng ia ka jingjer sainar najan khappud.){kind=link}