Kwah ka AITC ban pynieng kyrtong na baroh 60 seat ha ka elekshon MLA ha Jylla

Date:

Share post:

Shillong, Jylliew 29: U National General Secretary ka AITC u Abhishek Banerjee hynne ka sngi balang ula ong ba ka party jong u, ka don ia ka jingangnud ban lah pynieng kyrtong na baroh 60 tylli ki Constituency ha ka elekshon MLA-2023 ban long ha Jylla Meghalaya.

“Ka Trinamool Congress kan ai ka jingkyrshan ba pura ia ka State Unit ka Meghalaya. Ngin pyndonkam ia baroh ka bor jong ngi ha kaban pynthikna ba ngin lah iakhun na baroh 60 tylli ki Constituency bad ban ioh ruh ia ka jingjop na baroh kine ki Constituency” ong u Abhishek haba iakren bad ki nongthoh khubor.

Haba pynpaw ba ka AITC ka long kaba kloi ban iatreilang bad kiwei ki Party kiba iasngewthuh jingmut, ula ong “Ka dang kloi palat ban ong eiei hynrei ngi kum ka bor kaba khlain, ngi long kiba kloi lada don kiwei pat ki party kiba kwah ban iatreilang”.

Une u Nongialam ka AITC ula pynkut ia baroh ki jingiakren antad da kaba ong “Nga dei ban iathuh ha phi ba ka Trinamool Congress ka kwah ban iakhun na baroh ki 60 tylli ki Constituency”.

Haba kylli, u Abhishek ula ong “Ngam dei u nong iathuh lypa ia kaei ka ban jia, hynrei nga buh thong ban pynieng kyrtong na baroh 60 tylli ki constituency” haba bynrap “Ka AITC kan iakhun beit ia ka elekshon halor ki nongrim treikam jong ka”.

Une u Nongialam ka AITC ula ong ba ki Nong Meghalaya kiba kwah ban pyniasoh bad ba wad ia ki jingkylla, ki dei ban mih shakhmat bad pynthikna baka sorkar NPP kan shah pynliem noh ha ka elekshon ban wan.

Share post:

spot_img

Popular

More like this
Related

IED explosion rocks Jiribam, no casualties reported

Imphal, Mar 29: Ahead of Lok Sabha elections, a...

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...