Kurup ki Pulit ka WJH ia u Ganja ba shongdor palat T. 3 klur

Date:

Share post:

Shillong, Naitung 12: Ki Pulit ka West Jaintia Hills hynne ka sngi ba-ar kila ioh ban kurup haduh 1168 kilo u ganja ba shongdor haduh T. 3 klur na kawei ka trok container.

Kane ka jingjia kala jia ha ka jaka talasi kali ha Mookyndur, ka ba la pynieng da ki Pulit ka Ummulong Beat House, ban talasi kali manla ka sngi. La iathuh ba hynne ka sngi, kawei ka trok container ba don u nombor RJ-10-GB-1424 kala wan na ka liang Jowai bad haba ki Pulit ki la pynsangeh, kane ka trok kala ieng pynban shajngai na ka jaka talasi bad arngut ki briew kila mih bad pher krad na kane ka jaka.

Ki Pulit mar mar kila kthong ia kine ki briew kiba la phet da kaba shim kabu ia ka jingdum jong ka miet.

U Superintendent of Police ka West Jaintia Hills Bikram D Marak u pyntip ba ki Pulit kila talasi ia kane ka kali ha ka por 1.30 mynstep bad dei haba rung ha ka jaka shong u nongniah, ki Pulit kila sma ganja kaba mih na ki bynta ba shadien jong ka kali.

Mar mar, la pyntip ia kane ka kam sha ki Pulit ka ANTF kiba la poi ha kane ka jaka bad haba talasi ia ka kali ha ka jingia donlang ki nongsakhi ba laitluid, la ioh ban kurup ia u ganja bala song ha ki 80 tylli ki song, uba khia haduh 1168.182 gram uba ka dor jong u ka kot haduh T.3.5 klur. Ki Pulit kila register case ia kane ka jingjia bad ka jingtohkit kala iaid shakhmat.

Ha kajuh ka por, u Director General of Police (DGP) ka Jylla, ula shimkhia ia kane ka jingioh kurup bad ula kular ban sa ai khusnam ia baroh ki Pulit kiba don ha ka por ba talasi ia kane ka kali, kaba lam sha ka jingioh kurup ia bun bah u ganja.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...