Rai ka FKJGP ban pynjur ia ka jingkhynra bar jylla ba slem pyntreikam ia ka ILP bad Entry-Exit Point

Date:

Share post:

Shillong, Naitung 12: Ka seng Federation of Khasi Jaintia & Garo People (FKJGP) kala rai ban pynjur ia ka jingkhynra bar jylla ha Jylla namar ka jingpynslem jong ka Sorkar ban pyntreikam ia ka Inner Line Permit (ILP) bad ka jingpynieng ia ka khyrdop Entry-Exit Point hapoh ka Jylla.

Ia kane la pynbna da u President ba thymmai ka FKJGP Bah Dundee C Khongsit ha ka jingialang bam smai jong ki Nongkitkam ba thymmai ka Central Executive Committee (CEC) ba long hynne ka sngi ba-ar ha Soso Than Auditorium.

“Ngi la rai ban pynjur ia ka jingkhynra bar jylla katba ka Jylla kam pat ioh ia ka ILP” ong u Bah Dundee haba kynnoh baka Sorkar Jylla kala shu thet kti bad tynrong ia ka jingkitkhlieh sha ka Sorkar Pdeng da kaba ong ruh ba kane ka kam ka don mynta ha ka jingbishar ka Iingkashari.

Ha ka 19 tarik Nohprah 2019, ka Iingdorbar Thaw Ain ka Ain da kawei ka sur, kala mynjur ia ka Resolution ba dawa ia ka Sorkar Pdeng ban pyntreikam noh ia ka Inner Line Permit (ILP) hapoh ka Jylla.

Une u President ba thymmai ula ther tyngeh ruh ia ka Sorkar Jylla halor ka jing bym lah ban pyntreikam noh ia ka Meghalaya Residents Safety and Security Act (MRSSA) bala mynjur da ka IIngdorbar Thaw ain ha u snem 2016, da kaba pynieng ia ki khyrdop Entry bad Exit Point ban pyrrkhing ia ka jingrung jingmih ki bar Jylla ha ka Jylla.

“Ka rai jong ka Sorkar ban pynieng ia ki jingtei kiba shirta ha kine ki jaka ba tyrwa ban pynlong kum ki Entry bad Exit Point ka dei tang ka buit ban pynslem ia ka por” ula ong.

Haba pynpaw ba ka ILP bad ka MRSSA ka dei kaba syriem kumjuh bad kaba don ia kajuh ka thong, u Bah Dundee ula ong ba ia kine ki Entry-Exit Point la rai ban khot da ki Facilitation Centre ban pynthikna baka Sorkar India kan nym kynnoh long pyrshah nong India hynrei ia kane ka jingkhot kyrteng la pynman bakla da ki langiong jong ka Jaidbynriew kiba pynremk ia ki Sengbhalang.

Haba kren halor ka jingeh ha ka ioh kam ioh jam kaba la ktah jur ia ki samla jong ka Jylla, une u Nongialam ka FKJGP ula ong ba ki samla kila duh ka jingshaniah ha ka rukom treikam ka Sorkar namar ka jingjur palat ka bamsap haba phah ruh ia ka jingmaham kaba tyngeh ia ki Ophisar Sorkar ba kim dei ban ialehkai bad ka lawei jong ki samla.

Shuwa kane, u President bala shongthait noh jong ka FKJGP Bah Wellbirth Rani ula pynbam smai ia u Bah Dundee kum u President ba thymmai ka seng lem bad kiwei ki Nongialam jong ka CEC ba thymmai.

U Bah Wellbirth uba la shakri kum u Nongialam ka FKJGP haduh 26 snem, ula shah pynkup burom ha ka Seng FKJGP ha ka jingiadon ryngkat ki Nongialam ka seng KSU, HNYF, RBYF bad JSU.

Haba kren ha ka jingialang, u Bah Wellbirth ula pynpaw ia ka jingsngew skhem ba kane ka CEC ba thymmai kan tynrong ia ka jingkitkhlieh ha kaban pynurlong noh ia ki jingdawa ba sahteng jong ka Jaidbynriew da kaba pynthikna b aka Jylla kan ioh noh ia ka ILP bad ka jingpyntreikam thikna ia ka Trading Licence.

“Watla ngi da sngewnguh eh ba ngi la don ia ka Reservation Policy bad ka Land Transfer Act, hynrei ngi dang donkam ia bun tylli ki ain ban iada ia ki paradoh parasnam jong ngi bad ia ka bha ka miat jong ki” ula ong. Ula maham ruh ba ka jingiakhih kaba tyngeh ka lah ban mih lada ka Sorkar Jylla ka dang iai bteng ban long mynthi ia ki jingdawa jong ki Sengbhalang.

Haba kren ia kane ka juh ka sur, u President ka KSU samla Lambokstar Marngar ula ong baka jingdawa jong ka por ka long ba ki paidbah jong ka Jylla ki dei ban kyndit thiah bad jied noh ia ki Nongthaw Ain ne Nongthaw Policy ym shuh ia ki briew kiba tbit tang ha kaba sam ia ki skhim sha ki paidbah.

“Haduh katno ngin ngin hap ban leit tied ia ka jingkhang jong ka Iingdorbar Thaw Ain lane ka Sorkar Pdeng?. Ka Por kala dei ba ngin sdang pyntreikam noh ia ka ILP dalade” ula ong haba bynrap b aka KSU kan iaid bteng ban tehlakam ia ka jing wan rung beain jong ki bar jylla shapoh ka Jylla.

Halor ka jingshah kem ba dang shen jong ki 10 ngut ki Dkhot ka KSU, u samla Lambokstar ula ong ba lada ki bar jylla ki shah shoh, ka long kaba suk ia ki Pulit ban pynkut ba dei ki Sengbhalang kiba don kti. “Hynrei nga kwah kylli ia ki ba mano ba donkti lada shah pyniap pat ki Khasi?” ula ong.

Haba kynnoh ia ka Sorkar ba ka dei ka nongshet kylla ia ki jaidbynriew riewlum jong ka Jylla, u President ka Hynniewtrep National Youth Front (HNYF) Bah Sadon K Blah, ula ong b aka Sorkar Pdeng kala pyrshang ban riehtngen ha ka Sixth Schedule jong ka Riti Synshar ka Ri ban pynslem ia ka jingpyntreikam ia ka ILP bad ka jingbym lah ban pyllait lut phar ia ka Jylla na ka jingtreikam jong ka Citizenship Amendment Act (CAA).

“Namar kata, kala dei ka por ba ngi hap ban pyni ia ka bor haba shimkhia ia kine ki ishu khnang b aka Sorkar kan burom lang kumjuh ia ki paid riewlum trai ri jong ka Jylla Meghalaya” ula ong.

Share post:

spot_img

Popular

More like this
Related

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...