Shillong, Risaw 28 : Ki Pulit ka Ri-Bhoi District, kila ioh kurup ia ka song pisa ba T.12.5 lak na ki arngut ki briew ha ka step sngi Ba-ar, ia kaba la suba ba dei ka pisa kam be-ain.
Kat kum ka jingong u Superintendent of Police V Rathore, kine ki arngut ki briew kilawan da kawei ka Maruti Swift ba don u nombor AS01-FN-2132 na Shillong sha Guwahati, ha ka por ba la pynieng ia ki ha ka jingtalasi kali. Ki Pulit kila talasi ia ka pla bad lap ia kane ka pisa.
Ia kane ka kali bad ki briew la bat da ki Police Station ba kin nang pynthikna bad pynlong ia ka jingtohkit.
Ki Pulit ki dang pyrshang ban wad ia ka thymmei jong kane ka pisa bad la ka don jingiadei bad kino kino ki kam beain.
