Shillong Iaiong 16: Ki shipai BSF bad ki pulit ka jylla, ha ka Sngi Nyngkong kila pynlong ia ka jingkhynra ha ka thaiñ khappud bad ioh ban kurup ia u kwai tyrkhong uba shongdor T.14 Lak.
Ha katei ka jingkhynra kaba la pynlong ha ka thaiñ khappud kaba hap ha South Garo Hills District, ka 200 Bn BSF bad ki pulit haba kila ioh ia ki jingtip kiba thikna kila pynlong ia ka jingkhynra ha khappud jong ka ri India bad Bangladesh bad kila ioh kurup haduh 4,900 Kg u kwai tyrkhong uba shongdor T.14 Lak.
Ki BSF kila pyntip ba ia utei u kwai tyrkhong la ioh kurup na kawei ka iingjah kaba don marjan bad ka ri Bangladesh bad ia utei u kwai ba la ioh kurup la aiti noh ha Rongra Police Station ban leh ia kaba donkam.
Ha kawei pat ka jingkhynram ka kynhun Seema Praharis jongka 172 Bn BSF kala ioh ban kurup ia kawei ka Bajaj Pulser Bike (16 A 3466) kaba la shah tuh, ia kaba la thmu ban khaïï be-aiñ sha ri Bangladesh bad la kem ruh ia u nongniah ia katei ka thuk thuk na ka thain khappud kaba don ha Umkiang.
Hadien kane, ki BSF kila aiti noh ia katei ka thuk thuk bad ia u nongniah sha ki
pulit jongka Dholai Police Station kaba hap ha Cachar District jong ka Assam ban leh ia kaba donkam.
