Shillong Nailar 06: Ki shipai BSF ryngkat ka jingiatreilang bad ki pulit Meghalaya, ha ka sngi saitjaiñ kila ioh ban kurup 24000 kg u Kwai tyrkhong uba shongdor T.48 Lak na ka khappud jong ka ri Bangladesh.
Ha katei ka jingkhynra ha ka thain khappud kaba hap ha Rongra kaba hap hapoh jongka South Garo Hills District, ki BSF bad ki pulit kila lap iaka jingbuhrieh ia u kwai tyrkhong uba don 24000 ban rah sha ka jylla Assam.
Ia une u kwai ba la ioh kurup la aiti noh sha ki pulit jongka Rongra na ka bynta ban leh ia kaba donkam.
Ha kawei pat ka jingkhynra, ki BSF Meghalaya kila ioh ban kurup ia ki jain kiba shongdor palat T.20 lak na ka thain khappud jongka East Khasi Hiils & East Jaintia Hills, ia kaba la thmu ban leit khaïï be-aiñ sha ri Bangladesh.
Ia kitei ki jain kiba la ioh kurup la aiti noh sha ka tnad Custom ba kan leh ia kaba donkam.
