Guwahati, Nailar 06 : U Myntri Rangbah ka Assam Himanta Biswa Sarma haba kren halor ka polygamy (ban ri lok palat ia kawei ka briew ha kajuh ka por), u pyntip ba ka Expert Committee kala aiti ia ka kaiphod sha ka Sorkar Jylla ha ka sngi U Blei.
U Himanta ula pyntip “Hapoh une u snem mang tyngka ba mynta, ngin sa pyntreikam noh ia ka ain. U kwah ban aipor ia ki MLA ba kin pule bad iakren halor jong ka. Ka Committee kala ong ha ka kaiphod ba ka Sorkar Jylla ka don ia ka bor ban wanrah ia ka ain”.
Haba kynthoh ha Twitter, u Himanta ula ong ba ka Jylla kala nang jam shajan ha kaban nang pynkupbor ia ki Kynthei khlem da khein ia ki jaidbynbriew, kyrdan lane ka niam.
“Mynta ka sngi, ka Expert Committee, bala thaw ban bishar ia ka jingdonbor jong ka Iingdorbar Thaw Ain ka Jylla ban thaw ia ka Ain ka ban pynkut ia ka polygamy ha Assam, kala aiti ia ka kaiphod. Ka Assam kala nang jam shajan ha kaban nang pynkupbor ia ki Kynthei khlem da khein kyrdan, jaidynriew lane niam” ong u Himanta.
Today, the Expert Committee, formed to examine the legislative competence of the State Legislature to enact a law to end polygamy in Assam, submitted its report. Assam is now closer of creating a positive ecosystem for women’s empowerment irrespective of caste, creed or religion. pic.twitter.com/4sycOWwPhN
— Himanta Biswa Sarma (@himantabiswa) August 6, 2023
Mynno la thaw ia ka Committee?
Ka Sorkar kala thaw ia ka Committee ki 4 ngut ki dkhot ha u bnai Jymmang 2023 ban shong bishar ia ka jingieng ain ban pynduh noh ia ka kam ri lok bun ngut ha Assam.
Ia kane ka committee la khlieh da u Judge bala shongthait ka Guahati High Court Justice Rumi Phukan. Kiwei pat ki dkhot ki dei u Assam Advocate General Debajit Saikia, Assam Additional Advocate General Nalin Kohli bad u advocate jong ka Gauhati High Court Nekibur Zaman.
Kane ka Committee kala shong bisahr ia ki kyndon jong ka The Muslim Personal Law (Shariat) Act, 1937, ha ryngkat bad ka Article 25 jong ka Riti Synshar ka Ri India, haba iadei bad ki kyndon jingbthah jong ka State Policy na ka bynta ka Uniform Civil Code.
Ha ka 23 tarik Naitung, u Himanta ula ong ba ka Sorkar Assam akala phah ktien sha ki bor khmih ba ka ai ka jingkyrshan ba pura ia ka Uniform Civil Code (UCC) bad kwah ban pynduh noh ia ka kam ri lok bun ngut (polygamy) ha Assam.
Kaei ka polygamy?
Ka polygamy ka dei ka kynja iashongkurim ha kaba u briew u lah ban don ri bun ngut ki lok ha kajuh ka por. Ka lah ban long ha kano kano ka dur kum ka Polygamy (u briew u lah ban ri bun ngut ki lok) lane Polyandry (ka kynthei kan buh bun ngut ki lok). Ka polygamy ka dei kaba leh ha ki niam bad ki dustur bapher bapher ha kylleng ka pyrthei watla bun ki Ri kim pdiang ne long ain.
Ka Polygamy ka long ain tang ha India, Afghanistan, Bangladesh, Bhutan, Egypt, Gambia bad Pakistan.
