Shillong, Naiwieng 25: Ki shipai BSF Meghalaya haka 24 tarik u Naiwieng kila ioh ban tehlakam ia ki kam khaïï tuh lyngba ki ar tylli ki jingkhynra bad ioh kurup iaka shini bad kiwei pat ki mar ki mata kiba shongdor T.11 Lak ia kaba la thmu ban khaïï sha ri Bangladesh.
Da kaba shimkhia mardor ia ki jingtip kiba la ioh, ka 200 Bn BSF kala pynlong ia ka jingkhynra ha ki thaiñ khappud jong ka Dambukaphal, West Garo Hills District ha kaba la ioh ban kurup 5000 Kg ka shini kaba la thep ha ki byrni da ka jingthmu ban khaïï be-aiñ sha ri Bangladesh.
Ha kawei pat ka jingkhynra, ka 110 Bn BSF Meghalaya kala ioh ban bat ia kawei ka kali Pickup ha ka thain khappud ha Kasinda, East Khasi Hills District, kaba la kit ia ki mar ki mata kiba la khaïï sha Bangladesh.
Ia kitei ki mar kiba la kurup baroh, la aiti noh sha ka ophis jongka tnad Custom khnang ba kan ioh ban leh ia kaba donkam.
