Shillong, Jymmang 30 : Ha ka jingkhynra pyrshah ia ki nongkhaii tuh ia ki snieh bad dkhot met ki mrad, ka Tnad Custom kala ioh ban kurup haduh 27.992 kilo ka bniat hati myn ha ka 29 tarik Jymmang.
Ka Tnad custom kala ioh kem ruh ia uwei u briew uba khaii tuh ia kine ki bniat.
Halor ki jingioh khubor ba thikna bha ia ki kam khaii bniat hati, ki Ophisar ka Custom (Preventive) Hq, Shillong kila hiar kyrkieh sha Biswanath Chariali, Assam bad kila pynlong ia ka jingkhynra ha kaba kila ioh bat ia uwei u briew uba kit ia 4 tylli ki bniat hati ha met kiba khia haduh 27.992 kilo.
Ki bniat hati ki dei kiba la pynhap hapoh ka Schedule I jong ka Wildlife Protection Act (WLPA), 1972. Ia kine ki bniat la kurup kat kum ka kyndon 50 jong ka WLPA, 1972 bad la aiti noh ia ka case sha ki bor khmih ka Wildlife.
 Hq, Shillong kila hiar kyrkieh sha Biswanath Chariali, Assam bad kila pynlong ia ka jingkhynra ha kaba kila ioh bat ia uwei u briew uba kit ia 4 tylli ki bniat hati ha met kiba khia haduh 27.992 kilo.){kind=link}