Shillong, Naitung 21: U Lat ka Jylla Satya Pal Malik hynne ka sngi palei, ula kular ban rah iakren ia ki jingeh jong ki Nonghikai SSA bad ka Sorkar Pdeng ha New Delhi.
U Malik ula ai ia kane ka jingkular hakhmat ka kynhun ki Nonghikai SSA ba don ha ka lama jong Meghalaya SSA Schools Association (MSSASA), kiba la kyrpad ia u ban tuklar lem halor ka jingpynslem ban siew ia ka tulop jong ki ba san bnai .
Ki Nonghikai SSA ki la iathiah miet ha surok mynta la saw sngi ban dawa iala ka jong ka hok na ka Sorkar Jylla.
Hadien ka jingialang, u President ka MSSASA Bah Aristotle C Rymbai ula iathuh ba u Lat ka Jylla ula ai ka jingkular ban sa iakren bad ka Sorkar Pdeng ba kan siew noh ia ka installment ba nyngkong ban siew ia ka tulop jong ki palat 12,541 ngut ki nonghikai SSA ha ka Jylla.
U Bah Aristotle ula ong ba ka jingialang bad u Lat ka Jylla ka long kaba jop namar ula iakren ruh bad u Myntri Rangbah ka Jylla ban leh eiei noh halor ka jingeh jong ki Nonghikai.
“U Lat ka Jylla ula kren ia u Myntri Rangbah ka Jylla Conrad Kongkal Sangma bad la kyntu ia ka Sorkar ban pynbeit noh mar mar ia kane ka kam khamtam halor ka jingsahteng ka tulop ba san bnai bad ka jingpynkiew ia ka tulop” ula iathuh.
