“La poi ki sngi ba urlong ki Kyntien u Myllung Soso Tham”

Date:

Share post:

La donkam kyrkieh ka Jylla ia ka Land Ceiling Act

Shillong, Naitung 21: “Ngin sa long ki Nongtongum bad ki Nongthohdieng jong no re jongno” ki dei ki kyntien shongsbai jong u Myllung Soso Tham, uba la iohi jngai ia kiei kiei kiba ngim poi pyrkhat satia ba kum ka Jaidbynriew kan mad lehse ka lah ban dei na ka daw ka jingwan tuid kyrthep jong ki bar jylla kiba lah ban knieh ia ka hok longtrai halor ka khyndew ka shyiap lane lehse ka lah ruh ban dei na ka jingkylla long trai muluk ba khlem jaka puta hala ki jong ki Doh ki Snam.

Kane ka jingkylla nongwei jong ki paid byllien ki trai muluk kala jia mynta ym tang ha Ri-lum Khasi Jaintia hynrei wat ha Ri-lum Garo ruh bad kane ka jingkylla kala wan jia mynta na kata kaba ki ong ka “Land Alienation” lane ka jing jingthied duh ia ka hok longtrai ia ki jaka puta la ka dei na ki riewshimet, ki Shnong ki thaw, ki Raid, ki Hima da ki briew kiba don ia ka spah ka phew.

Haduh mynta hi, ki Nongshongshnong ka Jylla ki dang iohthiah lyngngai ia ka jingma jong kane ka kam (Land Alienation) bad kane ka jingiohthiah lyngngai kan sa pynkylla ia ki byllien ki trai ri trai muluk ban long ki trai shnong khlem jaka puta bad kin sa shu kylla long ki nongshongwai ha ki jaka puta jongno re bad sa long shisha kita ki Nongtong um bad nongthoh dieng jongno re jongno.

“Kane kala jia mynta, kat shaba phai ki khmat khamtam hangne ha Ri-lum Khasi Jaintia ha kaba bun ki jaka puta la longtrai tang da ki shi kham ki Heh saipan, ki nongkhaii bad kiwei kiwei”.

Haba twad jingmut ia kane na ki katto katne ngut ki riew tynmen, kila ong “Phai kat shaba phai ki khmat, ki jaka puta kila sdang leit lut sha ki briew ba don ba em. Shano kan poi ka lawei jong ki nongshongshnong ka Jylla…shano kin phet…shano kin wad jaka thymmai lada kane kam don noh da u pud..u pud ban thied jaka”.

Kiba bun ki Jylla hapoh ka Ri kaba don ia ki Nongshongshnong kiba dei ki Riewlum (Tribal) kila wanrah ia ki ain ban buh noh da u pud ia ka jingthied jaka ne long trai ia ki jaka puta da ki riew shimet kaba ki ong ka Land Ceiling Act.

Ki riew tynmen kila pynpaw ba ka Jylla ka donbok palat ba ka la don ia ka Land Transfer Act kaba khanglad ia ki bar jylla ban thied jaka bad kane kala tehlakam ia ka jingma halor ka hok nongkynti jong ki Trai Ri Trai Muluk hynrei lada ym don sa ka Land Ceiling Act, ka jingma kaba ap na ki bar jylla kan long kumjuh ia ki Trai Ri Trai Muluk.

Ka por ka la dei ba ka Sorkar Jylla kan wanrah bad pyntreikam noh ia ka Land Ceiling Act ha Jylla ban buh noh da u pud ia ki Nongshongshnong ha ka kam thied jaka puta hashuwa ba ka por kan dier.

Kane ka mat ka dei kaba donkam bha ban iatai noh ha ki rynsan bapher bapher khnang ban lah iada ia ki Trai Ri Trai Muluk na ka jinglong nongwei hala ka jong ka bri.

Share post:

spot_img

Popular

More like this
Related

Elekshon Lok Sabha | Rai ka Mawlai Syllaikariah ban ‘boycott’ iaka elekshon

Shillong, Lber 28 : Ka Dorbar Shnong jong ka...

Lok Sabha 2024 | Shong bishar u CS ia ka suk ka sain ha Jylla bad thain khappud

Shillong, Lber 27 : U Chief Secretary ka Jylla...

Shillong Premier League : Pynliem ka Shillong Lajong da 3-1 ia ka Ryntih SC

Shillong Lber 27: Ka Shillong Lajong FC kala pynrem...

Jied ka NCAB ia 9 ngut ki nongialehkai cricket ka Meghalaya ban leit sha ka NE Men’s Camp

Shillong, Lber 27: Ka National Cricket Academy Bengaluru jong...