Kular u DC ban shimkhia halor ka jingkem ki Pulit Assam ia u Rangbah Khasi

0
55
Lashai yn phah pynlait noh ïa u Babu Bakstar naka Kti ki pulit Assam, Kular u DC Ribhoi

Nongpoh,Naitung 8: U Deputy Commissioner ka Ri-Bhoi District Abhilash Baranwal, ula kular ban tuklar mardor halor ka jingshah kem khlem nongrim u Bah Bakstar Diengdoh ha ki Pulit ka Assam mynta la jan shibnai.

Ia kane la pyntip da ki nongialam paidbah ka thain Western Ri-Bhoi, kiba la wan iakynduh ia u DC hynne ka janmiet hadien ka jingbym lah iakynduh ia u Sub Divisional Officer ka Patharkhmah Civil Sub Division.

Haba kren sha ki lad pathai khubor, ki pyntip ba u DC ula kular ban shimkhia mardor bad un pyrshang ban pynthikna ba utei u rangbah (Bah Bakstar) un lait noh hapoh ka shisngi-arsngi.

Ha kajuh ka por, kila kyrpad ban pynthikna ba ki Pulit ka Assam ki dei ban pyllait ia une u rangbah khlem kano kano ka jingteh kyndon.

“Lada kane ka jingkular u DC kam urlong hapoh kine ki arsngi, ka sur u paidbah ka WesternRi-Bhoi kan sa wan biang ban tynjuh halor kane ka kam” kila ong.