Shillong, Naitung 08: Ka Employment Monitoring Cell jong ka KSU hynne ka sngi Nyngkong, kala leit pan jingpynshai na u Chairman ka MPSC halor ka jingpynmih ia ka resol jong ka Statistical Officer ka tnad A.H Veterinary.
Ka seng KSU kala leit pan jingpynshai kadei halor ka nongrim ba la jied ia arngut ki samla, uwei na ka Khasi-Jaintia category bad uwei na ka Garo category katkum ka notification ba la pynbna ha ka 27.06.2024.
Ka KSU kala pynpaw iaka jingsngew lyngngoh, ba katkum ka advertisement ba la pynmih ha ka 14.12.2020 pat, ka jinglaitkam ka dei tang na bynta 1 (kawei) ka post bad ia kane la pynskhem biang da ka Corrigendum kaba lah mih ha ka 14.09.2022 kaba dei ban dei thik tang ia kawei ka post na bynta Khasi-Jaintia category.
Na ka liang jong ka MPSC ka lah pan por ban ai jingpynshai halor kane ka bynta.
Ka KSU kala maham ba ym pat dei ban thung ia kane ka post katba ym pat ioh ia ka jingpynshisha halor kane ka kam.
