Shillong, Naitung 08 : Ka Bharatiya Janata Party (BJP) kala rai ban sei kyrtong ha kaban iakhun ia ka elekshon shiteng samoi jong ka Gambegre constituency.
Haba pyntip ia kane ha ka sngi Nyngkong, u President ka BJP Rikman G Momin ula ong “Hooid, nga la dep pyntip ia ki Nongialam ha Delhi bad kila mynjur hynrei namar bala don ka jingkylla, nga la hap ban kyrpad biang ia ki tangba shispah na ka shispah ngin iakhun ia kane ka elekshon shiteng samoi”.
Haba kylli la ka party kan pynieng ia u Vice President bad MDC ka Tura Bernard N Marak kum u kyrtong, u Momin ula ong “Ngim pat rai ia u kyrtong hynrei u (Bernard) la trei shitom bha na ka bynta ka party bad kumta u ruh u don hok ban ioh ia ka ticket”.
Ula pyntip ba ka BJP kala rai ban iakhun la ka jong ia ka elekshon shiteng samoi ha Gambegre bad kam don jingthmu ban pan jingkyrshan na ka National People’s Party (NPP).
U Momin ula kyntait ruh ba da ka jingkyrshan ia ka NPP ha ka elekshon Lok Sabha ba dang shu dep, kane kala ktah ia ka jingioh vote jong ka BJP.
Une u Nongialam ka BJP ula kynnoh ruh ba kam shym la don satia kano kano ka kam pynroi ha Gambegre constituency, kaba la mihkhmat la 15 snem da u MLA barim bad mynta u MP ka Tura Saleng A Sangma.
 kala rai ban sei kyrtong ha kaban iakhun ia ka elekshon shiteng samoi jong ka Gambegre constituency.){kind=link}