“Dei tang ka Sorkar MDA ka bym kular kai” : JAC Narpuh
Shillong, Naiwieng 08 : U Myntri Rangbah ka jylla Conrad K Sangma hynne ka sngi ba-ar, u la kular ban leit plie hi noh iaka ophis jong ka Lumshnong C&RD Block haka 26 tarik mynta u bnai.
Ia kane la iathuh da u bah Emlangki Lamare u ba dei ruh u chairman ka Joint Action Committee Elaka Narpuh hadien ka jingiakynduh ia u Myntri Rangbah ka jylla ha Shillong.
Haba kren sha ki lad pathai khubor, u bah Emlangki Lamare u la iathuh ba ka jingiakynduh ia u Myntri Rangbah ka long kaba seisoh namar u la kular ban plie noh iaka Narpuh C&RD ia ka ba la ai kyrteng thymmai daka Lumshnong C& RD Block.
U bah Emlangki u la ong ba ka Lumshnong C& RD Block kan ai jingmytoi iaka thain Narpuh baroh kawei namar ki don palat 38 tylli ki shnong bad kumba 55 hajar ngut tam ki nong shong shnong hapoh kane ka thain.
“U Myntri Rangbah u la mynjur ban leit plie hi iaka ophis ka Lumshnong C&RD Block haka 26 tarik mynta u bnai, ka ban wanrah jingmyntoi iaki paidnah bad ka thain Narpuh baroh kawei” la ong u bah Emlangki.
U bah Emlangki u la ong ba ka thain Narpuh kadei ka thain ba jur bha ka jingnoh khajna shaka sorkar hynrei ka thain ka dang dei kawei ka thain kaba dang sahdien bha ha ka roi ka par.
“Naduh u 2018, ki paidbah bad ka JAC kila dawa ban pynkha iaka Lumshnong C& RD Block hynrei dei tad haduh mynta u snem baka sorkar kan pynurlong iaka jingangnud ki paidbah” ula iathuh.
“Ha u snem 2018 ka sorkar jylla ba Islam da u Myntri Rangbah ka jylla barim Dr. Mukul Sangma kala thok iaki paidbah ban pynkha ia ka C&RD Block daka ba pynbiej politik hynrei dei tang kane ka sorkar MDA haka jingialam u Conrad K Sangma kala pynurlong iaka jingdawa ki paidbah bad ka thain Narpuh baroh kawei” la ula bynrap.
