Kot haduh T. 1700 klur ka song pisa ba pyntrei ia ka skhim 100 sngi ha Meghalaya

Date:

Share post:

Shillong, Nailar 18 : Ka jylla Meghalaya kadei kawei na ki jylla kaba kiew stet bha ha ka jingpyntreikam iaka skhim MGNREGA kaba ju tip kum ka skhim 100 sngi lada nujor tang naduh u snem 2015 – 16 haduh u 2021-22.

Katkum ka jingiathuh da u Myntri ka tnad Community and Rural Development Bah Hamletson Dohling, ha u snem 2015-16 ka jingpynlut jong ka sorkar na ka bynta katei ka skhim ka poi 350 klur tyngka.

” Hynrei mynta pat ka la poi haduh jan saw shah namar ka la poi haduh 1700 klur tyngka” ula ong.

Haba iaroh ba katei baroh ka urlong na ka jingtrei borbah ki ophisar ha ki Block Development Office kiba don ha ka jylla, u Myntri u ong ruh ba katei ka skhim ym tang ba ka plie lad ha ka aikam aijam hynrei ka wanrah ruh ia ka roi ka par ha ki shnong ki thaw.

Kawei pat ka bynta kaba u Myntri u kdew ka long ba lyngba ka jingdon jong ka Block ki la mih shibun ki kynhun naduh ki Village Organisation, nangta ki SHG bad kiwei kiwei ha ki shnong ki thaw.

“Ha u snem 2016 ka jingdon ki SHG ha baroh kawei ka jylla ka long kumba 6000 tylli hynrei mynta pat ki la don haduh palat ia ka 45000 tylli” ula ong.

U Bah Hamlet ula ong ruh ba kane ka jingnang bun ki SHG ha ka jylla kadei namar ka jingtrei borbah ki ophisar bad ruh ki nongsynshar shnong kiba pynshlur ia ki nongshongshnong ban mih shakhmat ha kaban pyntreikam ia ki skhim ka sorkar.

Share post:

spot_img

Popular

More like this
Related

Phah ka Sorkar ia 2 ngut ki Ophisar sha Karnataka ba iap ngat bih u Khynnah na Meghalaya

Shillong, Lber 17 : Ka Sorkar Jylla kala phah...

Duh ei ka Jylla T.1.18 klur ba sang ban iatreilang ka Tnad Forest bad ka Mining & Geology

Shillong, Lber 17 : Ka jingbym don ka jingiatreilang...

Dang pynkhreh ka Sorkar ban thied jaka ha kylleng ki District ban pynkylla jaka theh niut

Shillong, Lber 17 : Ka Sorkar Jylla ka dang...

NIT Meghalaya erupts in protest: Unhygienic foods, flooded rooms & poor facilities anger students

Shillong, March 17: Students of the National Institute of...