Nongpoh, Rymphang 20: U Myntri Rangbah ka jylla Assam, ha ka 19 tarik Rymphang, u la kam ba ka party Bharatiya Janata Party (BJP) kan ioh khur jingjop ha bun tylli ki constituency bad ruh kan thaw sorkar ha ka jylla Meghalaya hadien ka ileksion MLA 2023.
U Himanta ula kren ia kane na ka rynsan ialap elekshon ha Nongpoh Constituency, ban ai mynsiem ia ka kyrtong ka party ka kong Marian Maring.
U la ong ba ki paidbah ka jylla Meghalaya ki la sdang sngewthuh ia ki mat treikam bad ki jingtreikam jong ka party BJP ban wanrah ia ki jingkylla bad ka roi ka par, khamtam ban peit ia ki jingeh, jingdonkam jong ki paidbah nongshong shnong hapoh ka Ri India hi baroh kawei.
Shuh shuh u la ong, ba ha kane ka kynti ka party BJP kala lah ban sei haduh 60 ngut ki kyrtong na baroh ki constituency bad kane kala urong namar ba ka party kala ioh jingshaniah bad ka jingkyrshan kaba kham skhem na u paidbah ka jylla Meghalaya da ka jingtreishitom ruh jong ki nongialam.
