-->

Kob ka INC ban pynshisha ba la iohpdiang u Lamphang ia ka hukum sospon ia ki 2 MLA

Date:

Share post:

Shillong, Nailar 27 : Ka Indian National Congress ha ka sngi Nyngkong, kala ong ba ka lah ban pynshisha ba ka Ophis jong u Lamphang ka Iingdorbarmm kala ioh pdiang ia ka shithi ba pyntip ia ka rai jong ka Party ban sospon ia ki arngut ki MLA-Gabriel Wahlang (Nongstoin) bad Charles Marngar (Mawhati) haduh 6 snem shuwa ba kin leit iasoh sha ka NPP.

Ka Party ka don jingmut ruh ba shen kan sa leit ujor da ka mukotduma ban tynjuh ia ka jingleit iasoh jong ki 3 ngut ki MLA sha ka NPP myn ha ka 19 tarik Nailar.

Haba kynthoh ia ka jingkam u Lamphang ba um don jingtip ia ka hukum sospon, u President ka Congress bad MP barim ka Shillong Bah Vincent H Pala ula ong “Ha ka jingshisha, ngi lah dep phah ia ka hukum sospon bad ka OPhis u Lamphang kala dep pdiang ia ka. Ngi don ia ki sakhi ban pynshisha”.

U Lamphang Thomas A Sangma ha ka taiew bala lah, ula ong “Nga khlem pat ioh pdiang ia ka hukum sospon (jong ka Congress) tad haduh mynta. Phim lah ban khmih lynti ia nga ban shim rai tang na kaei kaba mih ha ki kot khubor”.

Une u Nongialam ka Congress ula kynnoh ba ka jingkam jong u Lamphang ka dei kaba shu thoh namar ka NPP ka kwah palat ba pynurlong ia ka jingwan iasoh ki lai ngut ki MLA ka Congress khnang ban tehlakam ia ka jingthmu pyniapait iapra ki MLA lajong.

“Satang khyndiat, ka NPP kala jan iapait iapra, ta ka daw ki kwah palat ban urlong bad ki briew jong ngi ruh kila leit iasoh bad ki namar ba ki ieid ia ka pisa” kynnoh u Bah Pala.

Haba kynnoh ba ka don ka jingiashrut kaba jur hapoh ka sem ka NPP, u Bah Pala ula ong “Ka jingiashrut ka jur bha ha ka NPP namar ki riew thymmai ki la kylla ‘hero’ bad ki briew kiba trei shitom ban pynjop ia ki, kila kylla long ‘zero’”.

Ula kam ruh ba shen kiba bun ki nongialam ka NPP kin sa wan pyniasoh noh sha ka Congress.

“Mynta ka sngi, nga dang shu dep thoh ia ka shithi ban pan ia ka jingmynjur namar bun ki NPP kila kwah wan iasoh sha ka Congress. Kiba bun ki trai NPP kin sa wan iasoh sha ka Congress khamtam ha Ri-Lum Garo. Kiba bun kila wan iakren bad ngi bad mynta nga la pan ia ka jingbit na Delhi” ula ong.

Share post:

-->
spot_img

Popular

More like this
Related

Ngat palat 200 tylli ki kali pynkhein ain ha ka shrip ki Pulit | Ioh lum kuna haduh T. 8 lak shimiet

Nongpoh, Risaw 08 : Ki Pulit ka Ri-Bhoi District...

Buh hakhmat eh ka Sorkar ia ka scientific waste management ban iada ia ka mariang : Shylla

Shillong, Risaw 8: U Myntri ka koit ka khiah...

Pan jingpynshai ka HITO ba plie dukan kyiad ha surok National Highway

Shillong, Risaw 07 : Ka Hynniewtrep Integrated Territorial Organisation...

Maham ka KSU ia ki MLA ka ri-lum Khasi Jaintia halor ka lynti rel | ther tyngeh ba sngap man man halor ka ILP

Shillong, Risaw 08 : Ka Khasi Students’ Union (KSU)...