Shillong, Naiwieng 27 : U Lamphang ka Iingdorbar Thaw Ain Thomas A Sangma ha ka sngi Balang, ula pynpaw ia ka jingkmen halor ka jingnang bun ki MLA kynthei hapoh ka Iingdorbar Thaw Ain da ka jingshah jied ka kyrim u Myntri Rangbah Dr Mehtab Chandee A Sangma kum ka MLA ka Gambegre.
“Ka dei ka jingkmen kaba khraw ba ngi la ioh ia ka longkmie kaba saw ha ka Iingdorbar Thaw Ain ka Jylla” ong u Thomas hadien ka jingpynbam smai ia ka Dr Mehtab.
“Ka dei ka khyllip mat kaba sngew sarong ia ki paidbah ka Meghalaya bad wat ia ka Meghalaya Legislative Assembly. Ka dei ka jingkmen kaba khraw ban pynbam smai ia ka MLA kynthei ba thymmai” ula bynrap.
