Shillong, Naiwieng 27: U Lat ka jylla C.H. Vijayashankar, hynne ka sngi Balang ula plie ia ka 3-Hole Golf Course kaba dang shu dep shna thymmai hapoh phyllaw ka Raj Bhavan, Shillong.
Ia kane ka madan ialehkia golf la shna da ka thong ban kyntiew ia ka jingialehkai Golf bad ban kyntiew ia ka kolshor bad ia ki kam kilan met ha ka thain.
Haba kren ha ka jingialang u Lat ka jylla ula pynpaw ia ka jingkongsan ha kaban pynneh pynsah ia ka jingitynnad ka mariang ha ka jylla Meghalaya ryngkat ka jingkyntiew ia ki kam kilan met kiba iadei bad ka mariang
Ula ban jur ba ka 3-Hole Golf Course ym tang ba kala nang kyntiew ia ka jinglong kyrpang ka Raj Bhavan kum ka jaka donnam kaba la rim bha hynrei ka pyni ruh ia ka jingkut jingmut ban pynneh pynsah ia ka sawdon sawkun ka mariang.
Ia kane ka golf course la pynwandur bha kaban iahap bad ka jingjyrngam bad ki sawdong sawkun kiba don ha kylleng jong ka Raj Bhavan. Ka ai iaka lad kaba kyrpang ia ki nongialehkai Golf ban sngewtynnad ia ka jingialehkai ha ka jinglong jingman ka jaka ban rakhe ia ka jingitynnad bad jingshongkun jong kane ka jaka kaba la rim bha.
Ha kane ka jingialng la wan ban sakhi bad iashimbynta da ki heh ophisar sorkar, ki riewpawkhmat bad ki dkhot jong ka kynhun ialehkai Golf.
U Lat ka jylla ula plie da kaba tied ia ka bol Golf bad la pynbud pat da kaba pynlo g ia ka jingialehkai pyninam.
U Lat ula pynpaw ia ka jingkyrmen ba kane ka jaka ialehkai Golf kan long kum ka jingai mynsiem na ka bynta ban kyntiew ia ka jingsngewtynnad ban ialehkai hapdeng ki samla bad kiba don iala jingsngewtynnad kaban kyntiew ruh ia ka nam jong ka jylla Meghalaya kum ka jaka ialehkai bad kam jngohkai.
