Shillong, K’lyngkot 31 : U Myntri Rangbah ka Jylla Conrad K Sangma ha ka sngi Balang, ula iai ban ba ka Sorkar Jylla ka long kaba kloi ban iakren ia ki kam ba iadei bad ka Meghalaya Lokayukta.
Haba iakren bad ki nongthoh khubor, u Conrad ula ong ba kino kino kynthup ka Liang Pyrshah Voice of the People Party (VPP) ki lah ban wan bad iakynduh ia ka Sorkar ha kano kano ka por ban iakren ia kane ka kam.
“Nga tharai kane ka Sorkar ka dei kawei na ki Sorkar kaba kloi bha ban iakren. Ngim don jingeh satia bad mano manor uh ki lah ban wan bad iakynduh ia ngi” ula ong.
Ka VPP dang shen kala pynsangeh shipor ia ka jingiakhih halor ka jingdawa thungkam biang ia ki Ophisar bala shong thait, kiba la shah weng kan noh na ka Meghalaya Lokayukta. Kane ka rai kala mih hadien ba ka Sorkar kala kular ban khot ia ka jingialang bad ka VPP ban iakren ia kane ka kam.
