Shillong, Naiwieng 13 : U Myntri Rangbah ka Jylla Conrad K Sangma ha ka sngi Palei ula pyntip ba ka jingkhynra jong ka National Investigation Agency (NIA) ha South Garo Hills ka dei shibynta na ka jingtohkit ia ka jingjia bthei bomb ba dang shen ha Delhi.
“Ki jingtip ba ngi ioh ki pynpaw ba ka jingkhynra kala jia ha ki katto katne ki jaka. Ka NIA ka dang pyrshang ban lum ia ki jingtip bad ka dei ka jingtohkit kaba dang iaid” ong u Conrad haba bynrap ba kam long kaba dei ban iakren bniah namar ka dei ka kam ba iadei bad ka jingshngain ka Ri.
Ula ban jur ia ka jingiatreilang ba pura na ka liang ka Sorkar Jylla.
“Ngi don hangne ban iatreilang bad ki kat kaba ngi lah, ban ai ia ki jingiarap bad ki jingkyrshan haba donkam. Kane ka dei ka kam kaba khia bha bad ngin kiar na kaba ngam jylliew ia ka” ula ong.
Haba kylli halor ki jaka ba khynra ha South Garo Hills, u Myntri Rangbah ula kyntait da kaba ban jur ba kan ktah ia ka jingshngain ka Ri.
“Ngam kwah ban iapein ia ka jingtohkit da kaba iathuh ia kiei kiei baroh” ula ong.
Halor ka jingshngain ka Shillong, u Conrad ula ong ba ka jinglong jingman ka iapher bak ly bak haba bynrap haduh mynta kam don satia kano kano ka daw ban sheptieng.
Ula kyntait ruh ba don kino kino ki jingphah peitngor ha Meghalaya haba pynpaw ba kaei kaba jia ka dei shibynta jong ka jingtohkit.
 ha South Garo Hills ka dei shibynta na ka jingtohkit ia ka jingjia bthei bomb ba dang shen ha Delhi.){kind=link}