Shillong, Iaiong 10 : U National President ka National People’s Party (NPP) bad Myntri Rangbah ka Jylla Conrad K Sangma ula pyntip ba ka NPP kan sa shim rai shen ia ki kyrtong ki ban iakhun ia ka elekshon shiteng samoi ka Shillong Lok Sabha bad ka elekshon Rajya Sabha.
“Ngin sa iashong jingialang shen bad ka party ka sa shim rai khatduh ia kine ki kam” ula ong haba iakren bad ki nongthoh khubor ha ka sngi Thohdieng.
Haba kylli halor ka jingiaid la ka jong ka BJP, u Conrad ula ong “Ka biang beit namar baroh ki party ki don la ka jong ka hok ban iakhun. Ha ka kynhun synrop, ngi don ka jingkhmih lynti ba ngin iakren shuwa, hynrei kam mut pat ba ngi hap ban iamynjur ha baroh ki bynta”.
U Conrad ula bynrap “Nga burom ba baroh ki party ki don la ka jongka jingithuh ba kyrpang, ka riti treikam bad ka hok ban iakhun ha ka lynti synshar paidbah. Ngin ym tuklar satia halor kane ka bynta. Man ki party ki don ia ka hok ban shim rai”.
 bad Myntri Rangbah ka Jylla Conrad K Sangma ula pyntip ba ka NPP kan sa shim rai shen ia ki kyrtong ki ban iakhun ia ka elekshon shiteng samoi ka Shillong Lok Sabha bad ka elekshon Rajya Sabha.){kind=link}