Shillong, Naiwieng 18: Ka Shooting Association of Meghalaya ryngkat ka Laitkor Shooting Club, Airforce Station, Laitkor bad da ka jingkhmih jong ka National Rifle Association of India (NRAI), kala pynlong ia ka 1st Inter-School Shooting Championship ha Air Force Station, Laitkor, Shillong ha ka 16 & 17 tarik u Naiwieng 2024.
U Bah Neil Sootinck, General Secretary jong ka Shooting Association of India, ula pyntip ba ha kane ka lympung iakob ka ba-ar sngi, la wan iashimbynta da ki 20 ngut ki khynnah skul kiba don sap na hynriew tylli ki skul.
Ki nongïashim bynta kila iakhun ha ka 10M Air Rifle bad 10M Air Pistol bad kila pyni iala ki sap kiba phylla lyngba ka jingtrei shitom bad ka jingminot ha ka jingialehkai.
Ha ka sngi kut la sam ia ki khusnam sha ki nongjop da ki nongialam ka Shooting Association of Meghalaya, ki nongmihkhmat na Laitkor Shooting Club, bad ki heh na NRAI.
Haba kren ha ka jingïalang, u Wing Commodore ula pynpaw ba ka Laitkor Shooting Club ka kloi ban ïatreilang bad SAM-NRAI ban pynlong ïa ki jingïalehkai kiba ai jingmyntoi ïa ki samla ka jylla Meghalaya bad ula pynpaw ia ka jingkmen ban ïohi ïa kiba bun ki nongïashim bynta ha ka 1st Inter School Shooting Championship 2024.
U President ka Shooting Association of Meghalaya bad Vice President ka National Rifle Association of India,Bah John F. Kharshiing, ula ong, “Kane ka jingïalehkai kam dei tang ka jingïakop hynrei ka jingrakhe ïa ka sap bad ka jingtrei shitom. Ka thong jong ngi ka long ban pynshlur bad thaw lad ïa ki nongia siat suloi ban poi sha ki kyrdan ha ka National bad ha International.”
Ula ai khublei kyrpang ïa ki heh ophisar jongka Air Force Station Laitkor, halor ka jingïarap bad ailad ba kane ka jingïakop kan long kaba jop bad ula pynpaw ka jingkyrmen ba kane ka jingïatreilang kan nangkiew ban pynmih ïa ki nongiasiat na Meghalaya sha ka kyrdan kaba heh.
U Bah Neil Sootinck, ula ong namar ba kane kadei ka sien nyngkong ban pynlong ïa kane ka jingïakop, kumta ka SAM kainsa pynlong ïa kane ha ka por lyiur lane por tlang bad ha ki shuti skul ban pynshlur shuh shuh ïa ka khynnah skul ban iashimbynta.
Ki nongjop ha ka 1st Meghalaya Inter School Shooting Championship
.177 Peep Sight AIR RIFLE NR-
SUB YOUTH WOMEN
1. KOPAL DUBEY – GOLD, APS SCHOOL
2. SURBHI SINGH- SILVER, APS SCHOOL
SUB YOUTH MEN
1. ABHIMANYU- GOLD, APS SCHOOL
2. H SUSAANTH LAL- SILVER, APS SCHOOL
3. DHANISTHA THAKURIA- BRONZE, APS SCHOOL
YOUTH WOMEN
1. SYESHA O HEK- GOLD, APS SCHOOL
YOUTH MEN
1. MAYANK VATS- GOLD, APS SCHOOL
2. 1. MANNAT YADAV- SILVER, APS SCHOOL
3. ISHAAN SHARMA- BRONZE, APS SCHOOL
.177 AIR PISTOL NR-
SUB YOUTH WOMEN
1. LALGOUHAO SINGSON – GOLD, MIZO HIGH SCHOOL
YOUTH WOMEN
1. DA-i- LABYNTA RYNTATHIANG- GOLD, ST JOHN WHITEHALL
YOUTH MEN
1. LAMPHANG M ALLYA- GOLD, GOVERNMENT BOYS HIGHER SECONDARY SCHOOL
, kala pynlong ia ka 1st Inter-School Shooting Championship ha Air Force Station, Laitkor, Shillong ha ka 16 & 17 tarik u Naiwieng 2024.){kind=link}