Shillong, Risaw 03 : Ka Meghalaya SSA Schools Association (MSSASA) kan pynlong ia ka jingialang jong ka General body ha ka 6 tarik Risaw ha madan Malki, ban iakren ia ki jingdawa bapher bapher kiba dang sahteng kynthup ka jingthungkam pura ia ki palat 14000 ngut ki nonghikai SSA ha ka Jylla.
Ha ka kyrwoh ba pynmih ha ka sngi Thohdieng, u President ka MSSASA Bah Artistotle Rymbai ula ong “Ngin sa iakren ia ki kam kiba ka seng kala iai buddien bad ka Sorkar Jylla ba kan pyntreikam noh”.
Ula pyntip ba ka seng kala tynruh ban thungkam pura noh ia ki nonghikai SSA nalor ka jingpyntreikam ia ka pay structure ryngkat ka jingpynkiew tulop ia ki nonghikai SSA.
Ka seng kan iakren ruh ia ka hukum ba dang shen jong ka Iingkashari Supreme Court kaba pynlong kongsan ia ki nonghikai ba kin pass ia ka Teachers’ Eligibility Test (TET).
Lah ban kdew, palat 3,332 tylli ki skul SSA ha Meghalaya kila ai ia ka No Objection Certificate (NOC) ban aiti noh ia ka bor pyniaid sha ka Sorkar Jylla, napdeng ki 5,131 tylli ki skul SSA ha ka Jylla.
Na kine, ki don 298 tylli ki skul niam bad ki skul ba pyniaid shimet.
 kan pynlong ia ka jingialang jong ka General body ha ka 6 tarik Risaw ha madan Malki, ban iakren ia ki jingdawa bapher bapher kiba dang sahteng kynthup ka jingthungkam pura ia ki palat 14000 ngut ki nonghikai SSA ha ka Jylla.){kind=link}