Shillong, Risaw 15 : Ki bor pyniaid jong ka Meghalaya Energy Corporation Limited (MeECL) kila khot ia ka MeECL Progressive Workers Union (MePWU) sha ka jingialang ha ka 17 tarik Risaw ban iakren ia ki mat jingdawa jong ka Union.
Ia kane la pyntip da u President ka MePWU Mantiphrang Lyngdoh Kiri lyngba ka kyrwoh bala pyllait ha ka sngi thohdieng.
Ula ong baka MePWU kala mihkhmat ia ki nongtrei Contract/Casual kila dawa na ki bor pyniaid ban thaw ia ka policy ha kaban thungkam pura noh ia ki nongtrei casual kiba la shakri slem.
Namar ka jinglong mynthi jong ki bor khmih ka MeECL ban khot ia ka Union sha ka jingiakren, ka Uniom kam don lynti shuh da kumwei hynrei ban shim ia ka lynti jong ka jingiakhih jong ka kylla ba nyngkong, kaba la sdang naduh ka 29,30 bad 31 tarik da kaba deng lama iong ha baroh ki Ophis bad ka jingshong myngir naduh ka 5 tarik haduh 16 tarik ha MeECL Lumjingshai.
Ka MePWU kala sdang ia ka kylla ba-ar jong ka jingiakhih da kaba pynlong ia ka jingshong myngor ha ki kynta por bamja sngi naduh ka 10 tarik haduh 14 tarik Risaw. Ula ong ba hadien kane yn pynbud pat da ka jingiashong shuti paidbah ha ka 17 tark Risaw, ban ailad ia ki dkhot ba kin iashimbynta ha ka rally ka ban long ha Lumjingshai.
Ia ka jingiaid paidbah sha Secretariat yn sa shim rai hadien ka jingialang bad ki bor pyniaid, ong u Kiri.
